半熟蜂蜜蛋糕全個$85(外賣$68)6吋大,兩至三人分量,一切開即有流心效果,口感軟綿綿。用上美國蘇比蜜糖,蜜味香濃而且持久,吃一啖蜜糖味縈繞不散。 

庶民飯堂 

甜蜜總部 地址:長沙灣青山道 155-181號天悅廣場地下 B21號鋪 電話: 2720 0151

流心蜂蜜

Ads by Google

元州街一帶有好多甜品糖水鋪,不過多數是傳統中式糖水或者港式「撈嘢」,幾好食都悶。新開的「甜蜜總部」,竟然賣西式精緻甜品,梳乎厘、法式燉蛋等,還引入台式的半熟蜂蜜蛋糕,令人驚喜。但一條街就有三四間甜品店,競爭極大,餐廳負責人兼大廚阿偉話不太擔心,「年輕人對創新甜品較受落,不過我哋都想俾舊街坊一個訊息,就係甜品可以有好多變化。」

 

曾在台灣和香港餐廳任職廚師的阿偉,自己開店,所用食材專揀靚貨,比利時 63度朱古力、美國蘇比蜜糖、大溪地雲呢拿籽等。他對出品好講究, toppings如蛋白餅、杏仁薄脆等,還有幾款意大利雪糕都自己做,有些甜品更絞盡腦汁去設計,例如芥末心太軟要用白朱古力配新鮮山葵蓉,而半熟蜂蜜蛋糕要做到流心的效果,比起焗心太軟更難。「台灣朋友俾咗食譜我,但焗的時間和溫度都要非常精準,我試咗十幾次先成功,因為多一度或多一分鐘都有可能失敗,做唔到流心效果。」


綠茶梳乎厘$52梳乎厘底層焗得好鬆化,面層又夠軟熟。淡淡綠茶味配粒粒紅豆,好夾。 

黑•白焦糖燉蛋配雪糕$36朱古力和雲呢拿燉蛋,香滑又不膩,配上雪糕和自製抹茶脆脆,十分精緻。 

士多啤梨配新鮮水果及雪糕蜂蜜吐司盒$58巨型城堡般的吐司盒內藏吉士醬,還可任選三球比利時牌子的雪糕,超抵食。

 

甜蜜總部
地址:長沙灣青山道 155-181號天悅廣場地下 B21號鋪
電話: 2720 0151
營業時間:星期一至四 3pm-2am,星期五至日 2pm-2am




撰文:吳韻菁
攝影:梁炳權

    文章標籤

    甜蜜總部

    全站熱搜

    tvb4life 發表在 痞客邦 留言(0) 人氣()