創辦人 Martin Peet家族 19世紀開始做糖, 2004年開設零售店,現時英國有近 120間店, Raymond在劍橋讀書時常去 Mr Simms買糖,所以將品牌引入香港。 

常餐以外 

Mr Simms Olde Sweet Shoppe 地址:中環擺花街 37號地鋪 電話: 8192 6138

新英倫精神【懷舊糖果 分享快樂】

Ads by Google

經過擺花街的 Mr Simms Olde Sweet Shoppe,一定會被它的維多利亞式布置和幾百款糖果吸了進去。小朋友會尖叫、 OL買不停手,一身西裝的中環人也捧着一包二包糖排隊,店員再忙也樂於推介試食,那種快樂氣氛,正正是老闆 Raymond期待的。「我喺英國長大,由細到大都鍾意食糖,記得十二、三歲時踩着單車派報紙,賺到的錢都用來買糖食。關於糖果的回憶,好開心。」開店不純粹為回憶的味道,還有那年代的人情味,「當時買肉去肉店、買菜去菜檔,買糖去糖果店,不似現在只去超市,社區感覺很重,我想帶這種感覺回來香港。有時有外國客同我講,廿年冇食過呢種糖喇,香港冇得賣。大家傾吓偈,感覺好好。」

 

劍橋畢業的 Raymond本來在倫敦從事金融業,因工作關係於 09年尾回流香港,今年卻決定做老闆,向英國過百間分店的 Mr Simms傾香港總代理︰「因為兩個 BB,一個 22個月一個 4個月,想多啲時間陪家人。不過現在日做 18小時。」賣糖忙過做金融,全因凡事親力親為,「單單是找鋪位,我睇過近 300間鋪。裝修都係自己做,去旺角買 2,000呎木自己砌,試過半夜兩點仲喺門口鋸木而俾警察話。」新店裝修得和英國店一樣,就連吊燈都由英國運來,糖果款式當然也和英國店一樣,只是款式略少,「鋪頭得 300幾呎,只夠擺放大約 800款,其實貨倉仲有千幾款糖。」


店中也有自家製的英國手做朱古力,有些加入了軟糖,款式特別, Raymond還訂做了香港獨有的蛋撻口味。 

Raymond為了太太和兩個 BB,放棄金融事業去開店,希望多點時間陪家人。 

 

近千種糖果,大部分是英國經典款式,興足幾十年的 Bon Bon、七八十年代在英國中部流行的 Cola Cube、九十年代的 Wham Bar等,還有不同口味的 Liquorice、手工製 Boiled Sweets和朱古力、多種軟硬度的 Wine Gum,就連 Sugar-free都有幾十款,絕對選擇困難。糖果全部由歐洲進口,質量和平價糖果店的明顯不同,大部分糖果按重量計,$20或$30一百克,可以每樣要一兩粒,甚至只買一兩粒!當然,被七彩糖果包圍,店員有傾有講,最終捧着幾包糖走,好正常。


Cola Cube(左)Bon Bon(右)$30/100g「如果客人鍾意 Cola Cube,我就知佢七八十年代在英國長大。」源自法國的 Bon Bon質感帶煙韌,很受歡迎。 

Boiled Sweets$30/100gRhubarb& Custard是英國經典口味硬糖,家庭式糖果廠 Barnetts,以銅煲烹煮手工炮製。 

Flying Saucers$108(大)飛碟形威化以前用來載藥粉的,之後藥丸出現,威化變成包糖果粉,酸微微很醒神。

World's BiggestGobstopper$150/粒似西柚大的硬糖果,裡面有很多層,足 480克重,食晒佢絕對是大挑戰,所以在北美又名 Jawbreaker。 

Mallow Sandwich$38棉花糖有多款造型,包括 size一比一的三文治、 cupcake、 BBQ串等,當 party小禮物一流。 

Sugar Free$50/100g有數十款少甜或以代糖炮製的糖果及朱古力,怕甜或注重健康的朋友們都照顧到,細心。

 

Mr Simms Olde Sweet Shoppe
地址:中環擺花街 37號地鋪
電話: 8192 6138
營業時間: 10am-8pm


撰文︰黎狄敏
攝影︰胡春輝

    文章標籤

    Mr Simms Olde Sweet Shoppe

    全站熱搜

    tvb4life 發表在 痞客邦 留言(0) 人氣()