重裝出場開場時,成員以軍裝 look從升降機關彈出嚟嗰陣,簡直 high爆全場。 

媽咪姐

SJ襲港裝大胸最搶鏡

 

Ads by Google

成年冇嚟香港嘅韓流帝王 SuperJunior,上周六( 8號)晚喺亞博開 Super Show 6。 9個成員一開始以靚仔形象亮相,先嚟幾首經典金曲加舞台煙火效果熱身後,嚟料囉!各成員開始使出看家本領,又唱又跳,再嚟齊齊反串迪士尼動畫《魔雪奇緣》入面嘅 Elsa公主選美環節。其中圭賢嘅巨胸巨頭 Elsa一出現,台下萬幾個粉絲即刻瘋狂尖叫,總之台上台下齊齊癲足三粒半鐘。

 


唱〈 She Wants It〉時,成員同女舞蹈員大跳辣身舞,台下粉絲就大嗌「安對、安對」(即係唔好呀),肉緊到呢! 

 

圭賢巨峰壓台

一向以「情歌王子」形象示人嘅圭賢,佢嘅 Elsa真係不斷「發育」,睇佢呢個巨峰冇 50DD都應該 40DD。


9月 21日 首爾場正常型圭賢一現身,台下粉絲即「嘩、嘩」,「好勁呀,好勁呀!」同隔籬始源嘅反差好大喎! 

11月 8日 香港場巨峰型 

當晚除即將結婚嘅晟敏表演打韓國鼓外,退役後第一次嚟香港嘅希澈,喺演唱〈 Sorry, Sorry〉時,亦大騷鼓技。

神童隔空催淚

就快入伍嘅神童雖然冇嚟,但喺演唱〈 This is Love〉時,台上依然為佢放 mic stand,又播放神童唱〈不要忘記〉及叫粉絲等佢 21個月嘅片段,台下粉絲齊齊大叫「嗚支媽、嗚支媽」(即係唔好喊),真係好感動。




成員同粉絲交流時,個個勁晒廣東話,利特仲扮晒感動喊,其實係黐住貓紙照讀。點都好,都算有心啦! 

當晚完場前,成員及粉絲齊齊舉起 9周年手幅,強仁大爆話下個月《 MAMA》佢哋會再嚟。 

    全站熱搜

    tvb4life 發表在 痞客邦 留言(0) 人氣()