黃𨥈瑩見到媽咪姐,好似小學生見到老師咁,梗晒! 

媽咪姐

黃𨥈瑩輕鬆啲啦!

Ads by Google

出年踏入 40歲嘅黃𨥈瑩,冇見一排依然咁靚,皮膚似 29,「美魔女」稱號真係當之無愧呀!周三( 12日)呢日,貪靚嘅媽咪姐去咗美容展睇下有乜好嘢啦,又會咁蹺撞到黃𨥈瑩喎。

 

佢同媽咪姐講識咗輝哥張兆輝十幾年,依家幫佢間美容院做下代言,少咗喺幕前出現,唔多慣要影相。但係近睇佢啲皮膚,好有彈性兼光澤,睇嚟真係同做得多 facial有關,佢話:「做女人唔可以懶,只有懶嘅女人,冇醜嘅女人。」所以話呢,女人真係要 keep,冇講錯㗎!


雖然已經退出幕前,但黃𨥈瑩仲有唔少女 fans爭住合照。睇佢啲皮膚 keep得咁靚,絕對係中女偶像呀! 

黃𨥈瑩係 94年嘅「最上鏡小姐」。入行冇耐,就同古天樂拍《餐餐有宋家》撻着。睇番佢廿年前個樣,同依家冇乜點變,連表情都好似,一樣咁緊張。 

    全站熱搜

    tvb4life 發表在 痞客邦 留言(0) 人氣()