靚抽王

樂壇鹹魚翻叮

Ads by Google

蔣志光喺《老表你好 Hea》唱〈愛是永恆〉,受到網民力捧,好似一粒喺大台呢堆禾稈入面出現嘅珍珠咁,備受矚目,成個臉書都係佢嘅採訪。哇!勁呀!不過唔講你唔知,查實咁耐以嚟,呢種樂壇翻叮現象,時不時發生,翻叮得快,其實翻凍嘅時間亦都唔長……

 

 

一生唱舊歌 羅敏莊

簡史: 1995年以歌手身份出道,出咗小貓碟兩三隻,之後轉戰電台再去大台拍膠劇,一直擔當二三線至三四線角色。
翻叮絕殺點: 2010年大台嘅歌唱翻叮節目唱番 N年前舊歌,受網民力捧其歌喉。
翻熱長度:兩年( 2010年重新灌錄舊歌〈挑戰者〉, 2012年喺伊館開演唱會,之後生 B。)

翻凍結果:
脫離大台後佢去咗邊,我都想知!

從不喜歡孤單咁過 彭家麗

簡史: 1987年入行, 90年出碟,代表作有〈是不是這樣的夜晚你才會這樣的想起我〉和〈從不喜歡孤單一個〉,後來覺得娛圈唔適合自己所以轉職做音樂教師。

翻叮絕殺點: 2013年 8月喺一個籌款活動上,同名叫朱主席嘅不正常人類研究對象對唱。朱氏嘅唱功受網民恥笑,影片瘋傳,彭家麗被網民讚佢喺朱氏嘅甩 beat唱功下依然能夠保持水準。

翻熱長度: 1年(今年 8月出咗隻新碟,不過反應麻麻)

翻凍結果:臉書粉絲專頁得 1525人,老實說,朱主席嘅曝光率都高過佢,真係陰功豬。


翻叮是否可以永恆? 蔣志光

簡史: 1985年入行,曾喺廟街獻唱,本為創作歌手,一首〈相逢何必曾相識〉紅歌唔紅人,最後轉投大台拍劇。

翻叮絕殺點: 2014年喺大台劇《老表你好 Hea》翻唱張學友〈愛是永恆〉,受網民力讚。

翻熱長度及翻凍結果預測:
歸納番以上嘅資料數據,蔣志光將會重新灌錄一隻〈愛是永恆〉加〈相逢何必曾相識〉嘅發燒碟,再開一個演唱會大唱舊歌,然後喺 1-2年後放下歌手身份,回歸大台拍膠劇噢!


撰文:娛文樂

    全站熱搜

    tvb4life 發表在 痞客邦 留言(0) 人氣()