「胡說八道會」成員胡杏兒好有心,花咗三日時間去整 cupcake,可惜俾胡蓓蔚條事業線搶晒鏡。 

博出位

生日搞大佢

Ads by Google

生日一年一次,點都要慶祝,但今年唔少港人嘅生日願望,應該係希望政府快啲達成真普選。姑勿論香港嘅政治氣候如何,生日應該要盡興,反正革命係需要時間嘅!

豹嫂夾深坑


胡蓓蔚生日會人強馬壯,全部女星清一色粉紅色,真係唔知道邊個打邊個。 

壽星女當然要露兩手,但估唔到豹嫂胡蓓蔚一直深藏不露,夾胸勁過𡃁模。周日( 9日),一班圈中兄弟姊妹為胡蓓蔚慶祝 43歲生日,個個跟晒着 dress code粉紅色赴會,好鬼齊心。雖然人多勢眾,但最令人難忘當然係前所未見嘅「豹嫂深坑」啦!

陳煒嘆蟹宴

比起胡蓓蔚,同樣係人妻嘅陳煒就文靜得多。今個月 21號,將會 41歲嘅佢,就提前兩星期同班姊妹擦大閘蟹兼提早慶祝。雖然老公冇影,但有陳法蓉同向海嵐兩個港姐冠軍為佢賀壽,應該都滿意啦!


欣宜胸壓香香

嚟緊 17號已經 30歲嘅岑麗香,進取度就唔及豹嫂喇!事關一班《辣警霸王花》演員,日前為香香搞咗個生日 P時,佢嗰件粉紅色 T恤,毫無睇頭,現場仲俾分量同食量相當犀利嘅欣宜搶晒鏡㖭!


欣宜打扮隆重之餘,影相時仲唔覺意胸壓香香。 

宣布唔再減肥嘅欣宜,當然唔介意食相曝光啦! 

王敏奕送緊箍咒

個底幾花嘅曾國祥,上年被王敏奕箍掂。雖然佢哋拍拖將近一年,但頻頻孖咇晒恩愛。啱啱 8號過咗 35歲生日,王敏奕就立即喺微博公開賀壽,力晒她正印地位。


王敏奕𥄫到實,曾國祥亦冇趁生日亂嚟,於是同姪女過算喇! 

    全站熱搜

    tvb4life 發表在 痞客邦 留言(0) 人氣()