崔真赫同白珍熙喺新劇嗌交多過談情,但冇令人有煩躁感,演技真係幾好。 

非港劇讀

《傲慢與偏見》 崔真赫真的上位了!

Ads by Google

最近喺韓國免費台播、「光明正大」買日本版權嘅《明日如歌》(即係日劇《交響情人夢》)同古裝劇《秘密之門》,好似食咗瀉藥咁!收視跌到得 5、 6點,唔講以為係收費台嘅數字㖭。好在上周 MBC開播、由崔真赫同白珍熙孭飛嘅《傲慢與偏見》(同英國名著完全無關),保持住 11點幾收視,贏對手近一倍!星途崎嶇、上年先叫紅咗嘅崔真赫,呢鋪似乎真係掂喎!

 

新劇《傲慢與偏見》講曾係戀人嘅首席檢察官具東致(崔真赫飾)同實習檢察官韓悅慕(白珍熙飾),多年後重遇,竟然做埋同事!喺查案嗰時,兩人例牌互寸,最後梗係重新了解對方,再續前緣啦。
嗱,咪以為今年已拍第 4套劇嘅男主角崔真赫天生好運,拍《繼承者們》同《急診男女》都收得,成功上位。其實早喺佢廿歲、未入行嗰陣,因為事業未起步,覺得冇能力照顧初戀女友,提出分手。點知前女友承受唔住打擊而自殺,令佢有一段時間沉淪喺傷痛之中。


《急診男女》係崔真赫首次擔正嘅劇,佢同「懵智」宋智孝演離婚夫婦,形象入屋。呢套劇喺收費台播,收視高達 6.1%,成績勁好! 

白珍熙今年憑《奇皇后》喺《第 50屆百想藝術大賞》攞咗「 TV部門女子新人演技獎」,呢個獎勁多人爭,好難攞㗎! 

為谷收視,晒肌是常識。崔真赫都唔例外,第二集就有換衫戲,正!

 

原名金太昊嘅佢,憑 186cm身高攞過《明星發掘大賽》冠軍而入行,佢喺短短 8年間,拍咗 18套劇,但仍然唔多人認識。卒之喺 4年前改名!不過要等到舊年客串歷史劇《九家之書》,飾演守護神九尾狐「九越靈」,因為情深嘅演技(唔排除因為經歷過啦!),先感動觀眾,成功上位。所以話呢,有實力都要睇運㗎!


具東致(崔真赫飾)重遇韓悅慕(白珍熙飾),勾起唔少回憶。當年為追悅慕,東致借咗餐飯錢俾佢,仲要求佢分期還錢,迫人每月約會一次,勁賴皮。 

喺最近嗰集,韓悅慕將分手真相講俾具東致知。原來悅慕細佬嘅遺物中,有東致嘅大學取錄通知單,背面有細佬嘅求救信息。悅慕懷疑東致就係害死細佬嘅兇手!嘩,唔係啩? 


悅慕堅持執行放蛇任務,單獨行動嗰陣,俾疑犯脅持帶走。 

東致擔心悅慕,趕去救佢,但表面梗係鬧爆悅慕自把自為,實際上就心痛到死啦。 


由悲變喜

 


2012年崔真赫上李昇基主持嘅綜藝節目《強心臟》,自爆初戀女友為情自殺,令佢好自責。 

崔真赫入行以嚟,只係認過拍《我的女兒是花兒》同孫恩書撻着,不過戀情維持咗約 1年,宣布分手。 

崔真赫今年拍緊《命中注定我愛你》嗰時,被軍隊召佢服兵役。但為咗拍埋套劇,佢寧願放棄「首爾地方員警廳義務役員警」呢個 hea爆筍位,申請延期入伍。

撰文:張韋弘

    全站熱搜

    tvb4life 發表在 痞客邦 留言(0) 人氣()