榮雪梅指大半年前開始將心扉打開,接受異性追求。訪問當日她大爆擇偶條件,心情極佳。 

名人潮

單身革命 榮雪梅

Ads by Google

11月 11日四條 1是光棍節,是慶祝自己單身的日子。講真,今時今日單身,的確是一種驕傲。
社交界名媛榮雪梅( Helen),兩年前揭發意籍丈夫 Stefano再度出軌,結束十年婚姻。經歷婚姻失敗,回復單身後的她,對婚姻自然有另一睇法:「我覺得受傷係自己幼稚,講真一句呢個世界上,結咗婚之後,要廿幾三十年都係對住同一個人,冇乜可能。呢個只係童話故事。」曾經滄海的榮雪梅愛情觀很灰,不論你認同與否,在言論自由的香港,還是值得尊重的。

 

榮雪梅來自四川,她以性感火辣打扮,紅爆 ball場。 00年,跟在派對認識的前夫 Stefano結婚,不過結婚 5年,她便發現前夫出軌,令這段婚姻開始現危機。「最痛苦係第一次(發現小三),當時問朋友婚姻係點樣,買好多關於婚姻的書去搵原因。係咪自己大女人?可能我經濟能力好過佢,佢要搵其他女人去平衡吓?」有了第一次,榮雪梅與丈夫 5年來離離合合 9次,最終一次是因為老公偷食斷正,離婚收場。「老公褲袋跌咗避孕套出嚟,我哋從來唔用避孕套。」


07年當年榮雪梅經常與丈夫 Stefano去 ball,二人不時攬到實見人,寃氣到暈。 

各有各玩老公多次出軌,榮雪梅亦曾被拍與有型老外親密共舞。「我出街係因為佢離開我,我搵人陪,但我無做對唔住佢嘅嘢。」 

老公褲袋跌出避孕套

老公有外遇,女人最痛。榮雪梅揭發老公多次出軌,傷上加傷。不過傷痛過後,她領悟出新道理。「感情上面一定會有彎路,但方向唔好搞錯。我會諗對方係因肉體出軌,定係精神。一次半次誘惑,我覺得男人真係好難把持。以前會覺得係天大嘅事,依家覺得只係好小事,我真係唔介意。」
也許是自我麻醉,榮雪梅與前夫的愛再度「昇華」:「我哋仲係好朋友,點解要將十幾年感情掉咗去。到今日為止,我哋仲有一種愛,不過唔係男女之間嘅愛。」
不過她這種「大愛」,竟然是食飯時與前夫繼續又攬又拖。「佢鍾意攬住我、拖住我,我唔好意思走開,亦都做唔到。但我覺得 why not,我唔介意人哋睇法。」


14年 再次合體再見亦是朋友,年初榮雪梅與 Stefano食飯,二人態度親暱,關係撲朔迷離。 

榮雪梅宣布離婚後, Stefano被拍得於蘭桂坊攬女夜蒲,生活多姿多采。 

街邊食菜都開心

榮雪梅對前夫已經因恨變回「愛」,而對於擇偶條件,她亦降低要求。「大半年前, Daddy走咗之後,我開始學習把心打開,接受唔同類型嘅男仔。以前絕對係講 feel、講外貌,一定要揀個好靚仔、要令我心動嘅。但依家覺得個男仔好 warm、好 sweet、好 nice、正當職業就夠喇!真係冇要求。我覺得咁樣反而開心咗,俾男仔約你、追你嘛!咁先可以俾自己同人哋好多機會,有無數嘅可能。」
為了這些可能性,榮雪梅甘願放下身段,用行動證明名媛唔一定食好住好。「我覺得兩個人相處,最重要係同佢一齊開唔開心,就算喺街邊食菜都好開心。好多人覺得我一定要去 five star hotel、着好 fancy嘅衫。如果我真係鍾意嗰個男人,我咩都冇所謂,我係鍾意愛情帶俾我快樂,重要過物質。」不過這個男人至今還未現身,但一個經歷婚姻失敗的名媛肯接受現實港男,已經是跨出一大步。畢竟女人識搵位令自己開心,才是最重要。


以往打扮性感的榮雪梅,近年衣着較密實。早前,她以黑白喱士裙,出席 Dior護膚品活動。 

榮雪梅與兒子榮加偉感情要好。「我哋係 best friend,對住佢係冇秘密,就算我有咩諗法、 relationship都會同佢傾。」 

撰文︰蔡靜雯
攝影:劉玉梅
錄像︰蔡政峰
部分圖片:《蘋果日報》

    全站熱搜

    tvb4life 發表在 痞客邦 留言(0) 人氣()