fuck1.jpg


周二早上 7時許,還未着好禮服的黎諾㦤,只以短袖 T打底,還外出棄置一袋狗糧垃圾。 

滾熱辣

萬呎愛巢冇兌現 黎諾懿有米老婆住 700呎村屋

Ads by Google

周二( 11月 11日)光棍節,黎諾懿在陽明山莊筵開 24席迎娶家族美容生意逾 5億的李潔瑩( Nicole)過門。一夜間成為「 5億駙馬」,黎諾懿非常風騷。據知新娘當天所戴的千萬首飾是碌老竇送給自己張「冇 limit」卡,而價值 220萬的巡遊花車 Bentley,亦是富貴外父李志強名下。
堅持婚禮費用一力承擔的黎諾懿,付了約 40萬的酒席及 20萬禮金。至於李潔瑩婚後嫁雞隨雞,會搬進老公一直租住的西貢 700呎村屋。黎諾懿曾經說好的元朗萬呎獨立屋,卻一直只聞樓梯響,就連外父亦擔心阿女,對記者坦言:「佢哋可以嚟我度住。」咁算唔算入贅?

 

黎諾懿入行 11年,先後與楊怡及蒙嘉慧傳緋聞,更為蒙嘉慧與鄭伊健牽紅線。雖然黎諾懿外形討好,但多年來工作量不多,一直徘徊二線位置,直至近期的師奶劇《愛•回家》飾演口臭師爺才算是代表作。


兩隻手戴唔晒黎諾懿老婆身家豐厚,結婚當日龍鳳鐲戴滿兩手,金豬掛滿心口,相當有派頭。黎諾懿亦着到十足土豪一樣。 

外父:可以嚟我度住 

開門利是生發發發

黎諾懿與落選港姐李潔瑩拍拖 3年,女方家底豐厚,家住何文田君頤峰豪宅,出入以百萬 Benz跑代步,家族資產逾 5億,故被指女尊男卑。
周二( 11日),黎諾懿終於迎娶女友過門。早上約 8時,本刊獨家直擊他與 4名兄弟,從西貢大埔仔村寓所離開。臨行前,黎諾懿風騷地在家門前一架掛有中港牌的 Alphard七人車前影相,更即時將相放上微博。運輸處資料顯示,該輛價值約八十萬的七人車,與其有米外父李志強旗下公司同一地址登記。
其後眾人到九龍城一茶餐廳會合同是做「兄弟」的鄭伊健、黄伊汶及鄧健泓。吃過早餐,眾人直駛往何文田君頤峰的女家接新娘。幾經討價還價,最後新郎以「心意價」開門利是$3888,便順利過關抱得美人歸。
接過新娘,黎諾懿便駕駛一架市值$220萬的黑色開篷 Bentley花車直駛陽明山莊。該 Bentley開篷房車同樣是其外父旗下公司擁有。據知,自稱「婚禮費用一力承擔」的黎諾懿,支付了當晚共 24席,約 40萬的酒席錢,及給予女家 20萬禮金。以現時黎諾懿在大台的收入,他付此數目應該冇難度。


婚前留影出發接新娘之前,黎諾懿在自己所住的大埔仔村屋前 chok樣拍照,隨即放上微博。 

跟足傳統黎諾懿結婚前一晚,找來《愛•回家》好兄弟李霖恩上頭,貪其是上有高堂,下有仔女的「好命公」。 

黎諾懿雖然身為 80後,但照樣跟足傳統,在村屋大門貼上結婚用的對聯。 

茶餐廳餵兄弟接新娘前,黎諾懿非常大方,請班兄弟包括鄭伊健及黄伊汶等去茶餐廳食早餐。 

自爆新屋兩年後入伙

在結婚當日,承認與女友在經濟上有大段距離的黎諾懿,表明會用時間和努力拉近與老婆距離。其實與女友計劃結婚之初,黎諾懿曾自揭已在元朗買下一幅地皮,更會興建獨立屋作為與未來老婆的新愛巢。可是,一年過去,獨立屋卻一直未見影。婚禮當日,被記者追問婚後會住在哪裏時,新郎哥支吾以對說:「其實結婚之後會住番依家村屋,因為方便我返工……等到拍完《愛•回家》後,先會考慮搬入元朗。」
雖然新郎哥表明待拍完劇才搬屋,但問題是添食後的《愛•回家》,起碼要兩年後才拍完,變相二人婚後要在舊村屋住最少兩年。另一方面本刊翻查土地註冊處紀錄,發現黎諾懿名下(原名黎日昇)並無任何物業,究竟他口中的元朗獨立屋是否存在?看來只有他先知道。


老公攞威黎諾懿當日駕駛開篷 Bentley迎接新娘,威風凛凛。 

女家出車接新娘的 200萬 Bentley(左)屬黎外父旗下公司登記,而白色掛有中港牌的七人車(下),亦是外父公司同一地址登記。 

啜爆婚禮 

晒千萬鑽飾黎諾懿與老婆婚禮上甜蜜啜爆,老婆更戴近千萬鑽飾上身,這個婚禮真耀眼。 

外父:阿女話住慣咗

對於黎諾懿與老婆婚後仍租住有廿年樓齡 700呎大埔仔村屋單位,外父李志強對本刊說:「佢哋係暫時住番西貢先。(咁元朗新屋呢?)……應該住番以前嗰度先,佢(黎諾懿)話方便返工喎!(會唔會擔心村屋危險?) Nicole(李潔瑩)都話住慣咗,咁佢哋得閒可以嚟我度住。」對於女婿只給 20萬禮金,李父不置可否:「禮金多寡唔係問題,只要佢對 Nicole好就得。」
雖然李父口講不介意,但對於寶貝女婚後仍要屈住舊村屋,其實私下亦有微言。「有邊個唔想自己個女嫁得好? Nicole含住金鎖匙出世,屋企上下當佢公主,錫到佢燶。平時十指不沾陽春水,米都唔使洗一粒。但佢同諾懿拍拖之後,一星期起碼 4、 5日喺西貢瞓,又學煮飯、學焗蛋糕𠱁男友,仲要洗埋碗㖭。佢爹哋媽咪已經有啲心痛,不過冇符,因為個女鍾意。但講到結婚組織家庭,佢爹哋就覺得冇層樓點得,最初提出過不如住自己名下物業,最多交番租俾佢。但諾懿大男人,話咁樣肯定俾人講閒話,所以最後都拒絕對方好意。」知情人說。


女家埋怨早前有指李潔瑩掛住拍拖,經常唔返父親開設的「儷凝美聚」美容公司打點生意,而令其兄(右)不滿。婚禮當日,記者問到其兄 Ivan,他說:「唔返工冇所謂啦,佢結婚好戥佢開心!」 

擔心阿女黎諾懿外父坦言即使黎諾懿跟女兒結了婚,仍可隨時返娘家君頤峰住,言語間甚擔心阿女婚後生活。 

黎:錢方面有懸殊

據知李父作為生意人,一方面不想失體面,但又不想宴請太多賓客令女婿太大負擔,於是主動提出在陽明山莊設宴。因中菜廳場地最多只能容納 24席,乘機幫女婿慳錢。李父對記者不諱言:「其實我唔係好多生意朋友要請,因為平時好多生意都由啲經理去傾,好多人唔使我接觸。(當初諾懿話擺兩日?)佢冇假呀!唔緊要啦,食餐飯啫!」雖然李父謙虛表示自己識人唔多,但設宴當晚,俾面李父出席婚宴的名人絕唔嘢少,有近日被撤銷全國政協委員職銜的田少田北俊伉儷、利嘉閣老闆廖偉強及鄭文雅夫婦等。而由黎諾懿宴請的藝人同樣眾多。在《愛•回家》飾演黎諾懿「老竇」的劉丹開心到如自己辦喜事,甫到埗即說:「我今日另一個仔成家立室,好開心,一定封大利是。」
對於被指入贅,黎諾懿坦言:「知道錢方面係有懸殊,會俾心機做嘢將距離拉近,希望日久見人心。」見記者追問老公,李潔瑩即開口護夫:「唔好咁現實啦,開心最緊要,無價!」果然夫妻同心。


黎李二人以「五行」為題的婚照一早放上微博,不過有網民大彈照片太另類,不懂欣賞。 

殘爆返歸 

黎諾懿和老婆在陽明山莊過了一個蜜月晚上後,周二( 11日)傍晚六時,二人和親友乘坐李父的七人車返回大埔仔村。對於記者問題,玩足一晚殘到爆的黎諾懿,一律拒絕回應,反而榮升黎太的李潔瑩全程面帶笑容。

報稱買地起樓

 


黎諾懿早前被雜誌拍到在元朗村屋視察環境,但到今時今日仍未見獨立屋蹤影,亦未有黎任何買賣物業記錄,十分離奇。《壹週刊》圖片 

黎諾懿一直報稱已買元朗地起獨立屋作婚後愛巢,但記者翻查他的資產,卻一直沒有這地皮的紀錄。黎就稱因為要拍劇,而新屋和公司距離甚遠,所以未搬入新居。《壹週刊》圖片 

拍拖以來,李潔瑩一直與黎諾懿屈住於大埔仔,一個月租一萬二千元的三樓連天台七百呎村屋,想不到婚後仍要繼續住。 

老婆一腳踢李潔瑩不時被村屋鄰居見到行出門口倒垃圾及晾衣服,千金小姐不介意做阿四。 

擺酒可分期

陽明山莊是名人聚居地,故私隱度特別高,在此設宴就保證萬無一失。當晚黎諾懿婚禮位於會所 3樓的 Eclat ballroom怡景廳,筵開 24席。
此場地最出名是在廳中貫通兩層樓的大理石旋轉樓梯,令整個禮堂顯得瑰麗堂皇。據知黎諾懿揀了每席$15,000中上價錢的套餐,菜單已包括原隻鮑魚、清蒸星斑、紅燒火朣翅等貴價菜式。據知此套餐已包送婚禮場地布置、一晚浪漫蜜月套房,埋單 40萬有找,最重要是客人可以指定信用卡簽賬享受長達十二個月免息分期付款㖭。


駙馬無難度

在娛樂圈浮沉多年的黎諾懿,成功做乘龍快婿娶富貴老婆李潔瑩。其實圈中娶富妻的例子屢見不鮮,大家想做有米駙馬?加把勁啦!

 

Mr主音布志綸( Alan)
上周五( 7日) Alan跟拍拖 4年、坐擁逾十億身家的「玩具富豪」陳明耀愛女陳雪瑩( Sally)拉埋天窗,婚後並入住女家九龍塘億半獨立屋。

 

陳子聰
03年與當時身家百億的賭王何鴻燊二房千金何超儀在澳洲結婚。多年仍未生兒育女,兩人閒時夾 band拍戲,生活優哉游哉。

 

吳家樂
何麗全外甥吳家樂, 06年迎娶身家逾 50億的其士集團主席周亦卿的女兒周蕙蕙,婚後育有三名子女,幸福滿瀉。


撰文:娛樂組 
攝影:攝影組

    全站熱搜

    tvb4life 發表在 痞客邦 留言(0) 人氣()