現時市面上的骨膠原粉狀沖劑產品一般是從魚膠、魚類軟骨提取出來,通常加入咖啡、牛奶等飲用。 

壹知全解

重組骨膠原

Ads by Google

食用骨膠原( collagen)不是什麼新興之物,不過產品愈出愈多,粉狀、啫喱、沖劑、藥丸等都有,標榜可以美肌潤膚,填補受損及老化細胞所流失的水分。
究竟食咗係咪就可以被皮膚吸收呢?

 


女士千方百計都想令自己變得更美,骨膠原可以令皮膚更光滑有彈性,當然不少人都躍躍欲試。(羅國輝攝) 

三十多歲的蘇小姐家中有不少營養補充品,最近又從美國買了骨膠原丸,「朋友試完話好有用,食完靚晒,但太大粒所以我唔係成日食,可能隔日食,未知有無效。」
註冊營養師柳慧欣同是骨膠原產品的用家:「我四五年前試過好多隻骨膠原產品,飲過其中一隻日本出嘅沖劑,飲完之後皮膚真係好似滑咗啲,後來福島大地震之後,我怕輻射唔敢再食日本嘢,但停咗之後,又唔覺得皮膚特別『嚡』。」
骨膠原是纖維蛋白,有助減少皺紋、令傷口加快癒合,亦可以補充關節間的滑膜。組成骨膠原主要是兩種胺基酸,一是賴胺酸( Lysine),一定要從食物中攝取,另一種是脯胺酸( Proline),身體會自行製造。
然而,並不是單靠食骨膠原補充劑就可以直接補充,柳解釋:「要配合埋如鋅(如果仁、豆類)、花青素(如莓類)、維他命 C(如水果)同埋銅(自來水)先可以重組成骨膠原,購買產品時最好睇入面有無加入以上成分。」而且目前未有科學方法知道身體可以吸收到幾多,「所以即使齊晒原材料,係可以儲存喺體內,都唔代表身體會用嚟再製造番骨膠原。即使可以成功重組,全身不少部分都要補充,未必可以上到塊面。」
其實食物一樣「齊料」,柳笑指:「肉類(如豬、牛、吞拿魚、火雞等)、花膠、雪耳等已經有好多 Lysine同 Proline,同你額外去買骨膠原飲品差唔多,我有外科醫生朋友話有啲女士特別難開刀,因為皮膚好堅韌,就估到佢係食好多花膠,女士坐月都好常食花膠,等傷口快啲好番。」
雖然如此,她認為女士愛美是天性,若用後覺得有效,不用刻意不吃,但小心副作用:「一般唔會有太大影響,不過產品有時會額外加重成分,吸收太多賴胺酸同脯胺酸呢類嘅胺基酸會容易肚痛、肚屙。但如果由食物,例如肉類、花膠、雪耳等吸收就唔會出現呢種情況。」


撰文:林丹霞
攝影:黃雲慶
mailto:news@nextmedia.com

全站熱搜

tvb4life 發表在 痞客邦 留言(0) 人氣()