在中環酒店「爆房」開會的情景。(黃雲慶攝) 

編輯室手記

睇面色 定獎勵

Ads by Google

同事在報導佔中新聞期間,日夜顛倒,超時工作,公司特意補償在這一個月來長時間超時工作的同事,給予二千元作為獎勵;其實那段時間最開心見到各組同事守望相助的精神,記者、攝影師互相借調,方便睇場;時事 A組負責金鐘, C組睇旺角,財經組睇銅鑼灣;為方便同事叉電、傳片返公司及作休息,其間租過旺角及中環酒店,為防有人上酒店房搞破壞, C組 Mark哥為旺角酒店度咗個開門暗號:我愛肥佬黎, A組林文宗的中環酒店暗號係:我愛肥妹仔,有同事話咁重口味喎,令緊張嚴肅的氣氛得以緩和一下。我們也曾經在中環的酒店開會。大家上𨋢後左顧右盼,相視而笑,甚有「偷食」味道。

 


透過群組 WhatsApp,通報各組跟進中的新聞。佔中期間,半夜凌晨經常響個不停,但同事們又不敢調校靜音,生怕有突發事件。 

同事可獲得,好簡單,睇面色就知;記得那段期間, A組副總林文宗要處理大量佔中即時新聞,又要留守公司半夜驅趕大媽,捍衞出版自由,估他每天只睡兩、三小時,他的臉是灰色的,負責旺角的副總 Mark哥,形容旺角打鬥好似女人月經一樣,話嚟就嚟,經常半夜三更指揮手足做嘢無覺好瞓,他自嘲「嘩!塊面皮膚幾差呀。」有日凌晨, Mark哥帶我到旺角「見識」,一踩入旺角他又精神奕奕,果然是他地頭。還有好些女同事爆瘡至下巴及頸,聽說這叫「壓力瘡」,其實那段期間到洗手間是不想照鏡的。公司內碰到攝影師望着電腦熒幕,處理圖片、影片時,眼睛成一條線睜不開。這些片段,沒有拍下照片放上 Facebook,因為全都記在腦海中。(黃麗裳)


mailto:centipede@nextmedia.com

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()