除度假屋外, Holimood還網羅不少特色營地,客人以年輕人及家庭客為主。 Theo表示:「網站 run嘅第一日已經有生意!我哋真係好開心,歡呼咗成分鐘!」 

創業通

唔使去信和 網上租度假屋

Ads by Google

秋意漸濃,黃葉處處,最適合的莫過於露營或租度假屋玩番晚!香港有甚麼特色營地?要訂房又可以到那裏訂呢?今年 23歲的 Bruce、 25歲的 Bill和 Theo, 3位大男孩喜歡戶外活動,上山下海周圍去,但發現不少地方的訂房程序都挺不便,於是決定與各度假屋屋主合作,製作網上度假屋租訂平台 Holimood,方便年輕新一代!

 

說到露營或度假屋租賃,大夥兒當然第一時間想到到信和中心格價及看那些久未更新的房間照片吧?但在 Holimood的網站內,房間照片、設備資料及可供租賃的日期,於網頁內一目了然,付款確認日期後,便可安心出發。
Holimood由 Bruce、 Bill及 Theo創立,現可提供的度假屋及營地主要位於長洲、南丫島及大嶼山等,約有 130間。網站每月平均約有 500至 600個 booking,暑假則為旺季,可多達 700宗生意,月賺約 3至 4萬。「旺季差唔多日日都有人 book唔到,所以想 book暑假期,最好早 1至 2個月。」
Bill和 Theo乃中學同學,經朋友介紹下認識 Bruce, 3人在學時分別修讀工業、會計及電腦, Theo表示:「我哋好早已經有創業念頭,想喺讀大學時賺吓快錢,但 part time通常賺得唔多,就想試吓創業。 12年時,我哋試過賣演唱會熒光棒;之後又試過拍片做 youtuber,希望吸引 sponsor,但最後發覺拍片出鏡會好尷尬,都係唔適合自己。」

愛露營變創業

3人都很喜歡戶外活動,尤其喜歡跟朋友一起露營及到離島度假, Bill說:「有次有位外國朋友問我哋,香港有咩特色度假地方,我一時間答唔到,同埋印象中質素都幾參差。」
這次事件,觸發他們的創業方向。「每次都要親身去信和租度假屋,而且間間中介公司嘅價錢都唔同,仲多數圖與現實不符,啲度假屋相好耐都冇 update過,我哋覺得可以做得好啲。」他們打算將租訂程序優化,一切可以網上自助完成,追隨現時的科技步伐。
13年 3月,確立了目標後,他們第一步便得邀請有潛力的度假屋屋主合作,「我哋嘅準則係要最新最靚,上網睇過好多間有特色嘅度假屋及營地,好似露營車、蒙古包、紅番營等。之後我哋就咁着住恤衫西褲踩單車去同人傾。」他們用了 3至 4個月去體驗,每天放學便是找資料,週末便到不同地點考察。


Theo(中)與 Bill(右)比較健談,主要負責接洽工作; Bruce(左)乃讀電腦出身,故負責網站設計。 3人會定期開會,檢討網站的運作及為各營地和度假屋的資料作更新。 

採訪當日,他們花了一段時間拍攝海景, Bill表示:「因為想大家了解多啲下長沙海灘嘅環境同景觀,呢度個海景咁靚,其實仲好適合玩水上活動!」 

翻新間屋先合作

Bill表示度假屋的質素是他們會仔細考慮的因素,「親身試過先知有咩甩漏,有時啲屋有滲水、甩漆、好耐冇翻新、傢俬爛等,我哋會建議屋主翻新完先再合作。」他們與大約 20間度假屋屋主商談,但並不是每次都順利。
「梗係俾人拒絕過啦!屋主大多係上一代嘅長輩,有啲見我哋後生,怕我哋冇經驗;亦有啲冇電腦,咁我哋就要改變策略,由最初諗住屋主自己 update度假屋資料,到𠵱家由我哋幫佢哋每 3至 4個月定期影相 update。試過要傾 5至 6次先肯合作,每次我哋都會講述得更清楚。」
有不少屋主都被他們的誠意打動,他們現成功與 13間度假屋屋主合作,每次租出度假屋或營地後,他們會收取屋租的 10%至 15%作服務費。
他們表示以往租度假屋,可供租訂的日期透明度不足,亦有因太混亂而於到達後需轉房,故他們設計的網站,會清楚列出所有可供租用日期。


網上可預訂位於大嶼山的 Palm Beach營地的紅番營,似足電影中的造型,晚上可於營內看星,每晚$866起,可每晚加$50加設蚊帳。 

聖誕節試水溫

Holimood於 13年 12月正式開業,適逢聖誕節,他們亦藉此試水溫。他們主要於 facebook及網站宣傳,「仲會叫旅遊 blogger嘅朋友介紹吓我哋。」首月已有約 60至 70宗生意,算是不錯的起步。
現乃露營旺季,訂單太多,只有他們 3人應付所有工作,人手十分不足,「因為太多單,試過落錯單,搞錯咗客人 booking嘅日子。客人有投訴,我哋都好唔好意思, say sorry咗成個鐘,最後要同屋主傾傾先可以安排到房畀客人,真係嚇死我!以後警惕自己做嘢要小心啲!」
亦有不少客人於度假後,給予改善的意見,「佢哋話度假屋嘅地址好難搵,於是我哋喺網站整咗個 map search,方便大家跟地圖去搵。」


位於大嶼山的還有 Long Coast Seasports營地,此營可容納 8至 10人,每晚$2,000起,設置木地枱,營友可於地枱上談天。營中更設置空調及電制插頭,十分方便! 


Leo Long Coast Seasports營地負責人Holimood主動搵我哋合作,我覺得佢哋都幾有誠意,好落力去影相更新資料。多個途徑宣傳都唔錯,同埋𠵱家係一個資訊科技發達嘅年代,要做多啲網上宣傳先可以吸引多啲後生嘅客人!

平衡工作學業

Bill與 Bruce已畢業,並全職打理 Holimood生意,而 Theo則於來年畢業,他表示另一困難乃時間分配上的問題,「要平衡學業及工作都幾難,我打算畢業後全職投入,𠵱家雖然辛苦,但都會頂硬上!」
Bill、 Theo及 Bruce皆希望日後可與更多度假屋屋主合作,網站可以更完善及更具規模。 Bill笑言:「最近由牛頭角 100呎 office,搬咗去觀塘 300呎 office,真係幾開心,係我哋擴展規模嘅第一步!」


Holimood網上預訂 度假屋與營地比例 

Bill一開始我哋只做度假屋預訂,但希望帶多啲新鮮感畀客人,所以近幾個月開始,就加咗露營營地,生意都好咗! 

喺 facebook見到好多朋友 like Holimood個 page,就打算試吓。佢哋個網站解釋好詳盡,而且資料齊全。我覺得 Holimood介紹嘅度假屋比較新淨,質素都幾高,我會推介畀外國朋友。

開業成本

租金(兩按一上):$6,600
網頁設計:$4,000
雜費:$2,000
總投資:$12,600

每月收支

租金:$4,000
人工:$30,000(老闆 3人)
雜費及宣傳:$15,000
營業額:$69,000
盈利:$20,000

Holimood
http://www.holimood.com.hk 
3568 0824


撰文:霍芷晴
攝影:彭自維
模特兒: Arbobobo
部分圖片由被訪者提供

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()