釀酒師 John接觸釀酒已有 10年,釀製紅酒最繁複的地方在於挑選材料,「我哋將材料都準備好,學員就可以喺 2小時內完成釀酒嘅工序。」 

Jobs Live

釀酒冇難度 美酒 D.I.Y.

Ads by Google

剛在啟德郵輪碼頭一連 4日舉行的第六屆香港美酒佳餚巡禮,共吸引 18萬人次入場,比上一屆增加 30%,可見美酒都是為港人所嚮往。其實想飲美酒,除了買還可自己釀製,在柴灣的精品酒莊 MUST Custom Winery就設有釀酒工作坊,讓參加者親手釀製屬於自己口味的佳釀,在招待朋友時更能突顯自己的品味。

 

位於柴灣的 MUST Custom Winery,場內有不同的工具,可讓人作釀酒之用,釀酒工作坊有紅酒、果酒及白酒供學員選擇,一班 4人學費由$2,600至$6,200不等,約釀製出 28支 750ml的美酒,釀酒師 John說:「多數參加者都係釀紅酒,佢哋主要用嚟做結婚回禮、送畀朋友或者公司送客。」
首先 John會教學員試酒及釀酒的程序,之後學員可按自己喜好,釀出不同果味、酒精濃度及橡木味的自家製酒,「我哋簡化過啲步驟,令學員唔會失手,好似發酵完要過濾及沉澱等比較難嘅步驟,會由我哋完成,大約 4至 10星期後,學員可以上嚟拎番自己釀製嘅酒。」


首先把酵母放入約 43度的溫水,浸 15分鐘進行活化。 

另一邊把葡萄蓉、葡萄枝、葡萄核等原材料與葡萄汁一同倒入容器內。 

學員可按自己喜好,挑選不同的乾果及香料,例如紅莓、黑椒、黑加侖子等,不同季節都有所不同。

把乾果、酵母倒入容器內,用工具攪勻,學員的工作就已經完成。 

然後職員將裝酒容器放入約 24度的房內發酵 4至 10星期。 

最後入樽、加木塞,貼上酒蓋紙。 

完成 

在加拿大釀酒

John接觸葡萄釀酒已有 10年,「細個去咗加拿大讀書,因鍾意飲紅酒,我喺 02年讀咗個葡萄栽培及釀酒學課程,之後就入咗行,喺加拿大酒莊做釀製紅酒嘅工作。」
10年, John與 partner在香港開設精品酒莊 MUST Custom Winery,主要業務為不同公司提供釀酒服務,「精品酒莊喺外國好流行,反而香港比較少見,見到有市場潛力。我哋開設釀酒工作坊嘅目的,除咗有宣傳作用外,仲想畀多啲人了解釀酒嘅過程,對酒有更多認識。」現時每月可開約 10班,只計工作坊,估計月賺約 2萬。
查詢: http://www.mustwine.com.hk 





釀好的酒,參加者可設計自己喜愛的 label紙貼在酒樽上。 John表示:「酒應該儲存喺 13度嘅環境,如果家中冇電子酒櫃或地窖,應該放喺陰涼嘅位置。我建議釀好嘅酒,可存放多 1年先至飲,味道會更加好,期間避免移動酒樽,會影響發酵質素。」 

撰文:曾志恒
攝影:羅巧怡

tvb4life 發表在 痞客邦 留言(0) 人氣()