Warrick 24歲香港理工大學會計系 Yr.3除返學外, Warrick還要做 part time,夜晚返小食店,一兼三職。「我編晒朝早上堂,一星期只返兩日學,放學有時間溫書。考試時,大家互相體諒,會遷就到看鋪時間。」 

U撈

小伙子的串燒夢

Ads by Google

年輕時總是夢想多多,能與知己好友一同實現夢想,又有多少?在旺角小巷中藏着的,不只是一間新開張的串燒糖水店——小伙子,同時藏着 5位年輕人的創業夢。就讀理大的 Warrick,與 4位志同道合的朋友開設食肆,希望可趁年輕熱血一番,小伙子們都希望憑自己的雙手,串出自己的創業夢!

 

「小小伙子,長大了,在世事難料的森林,尋覓理想事……」 Warrick、阿翟、 Kenny、德及邦 5人所訂的店名,源自一首歌曲〈小伙子〉,希望在刻版的生活中實踐自己的理想。採訪當日, Warrick、阿翟、 Kenny3人看鋪,不少鄰近的士站的司機及經過的街坊光顧。
Warrick與 4位朋友本是大學宿舍的宿友, 4位宿友現已畢業從事不同的正職, Warrick則於下年畢業。「我哋一齊住宿舍,差唔多日日見,好難得咁多個都啱傾又啱玩,所以想趁後生,做一啲有意義嘅事。」他們早於去年已有創業的念頭。
他們想過無數的方案,「有諗過整窩夫,又諗過整早餐同賣果汁。但生果比較難儲存,又易變壞;串燒肉類則可以放喺冰櫃,係一個較好嘅方案。」於是他們決定以串燒及糖水作主打。


Kenny主要負責煲糖水,「以前同大家一齊食糖水,以為好易煲,但自己落手煲,一係太淡,一係太甜,有時就太漿。𠵱家慢慢上手!」 

他們分工很仔細,阿翟負責串起串燒,但他表示 5人合作,難免會有小爭拗,「多數都係運作上嘅問題,試過有次好忙,唔知邊個仲分唔清雞軟骨、雞肉同雞腎!真係好燥!但過咗之後又冇事,吵吵鬧鬧都幾開心!」 

拍攝時, 3人都換上印有店名的制服, Warrick(右一)興奮地表示:「啱啱上星期先印好㗎!」

有齊架生

阿翟在朋友介紹下,於 6月租下長旺道的鋪位,並在 10月開張。「雖然間鋪得 70呎,仲要成 2萬租,但呢度前身喺賣果汁同糖水,有齊基本嘅食肆設施,好似凍櫃、洗手盤、去水位等,親身睇過後,好快就決定租!」
不擅長煮食的 5人,又豈能一步變大廚呢?他們花了 3個月來學製各款美食。 Warrick說:「最初燒扇貝, 15分鐘都未熟,再燒耐啲,已經乾晒水同縮水。之後反覆燒多幾次,慢慢掌握到溫度同時間,就愈燒愈好!」
除了蝦碌事外,他們更遇過「陀地疑雲」的趣事,「嗰次 7個大漢行埋嚟問:『你哋係咪新鋪?幾錢租?搵你哋負責人下次同我哋傾吓!』我哋好驚,以為係收陀地!之後件事不了了之,但聽街坊講,話嗰班人喺街市開食肆,想同我哋夾份開鋪,真係嚇餐死!」


客人主要以附近街坊為主,他們每星期都會推出新菜式,例如脆皮墨魚丸、榛子麵包及自家醬汁等,有時更會按客人需求烹調, Warrick說:「好似有客人話要司華力腸加榛子醬或者辣味金菇菜,原來都幾好食!」 

阿源和阿寶客人喺 instagram同 facebook睇到小伙子,亦都有朋友介紹話幾好味,所以就嚟試吓!今次我哋叫咗扇貝同牛柳粒,幾好食!下次會再幫襯。 

得閒就看鋪

他們的營業時間為 7pm至 3am, 5人中,因 Warrick乃學生,相對其餘 4人有較多時間,「我係主力,差唔多日日都看鋪,其他人放工就會嚟,平均會返 3至 5日。其實大家都冇計得咁足,得閒就會幫手!」
他很慶幸家人都支持他們創業,「家人有時都會擔心我哋冇時間休息,每次返到屋企,見阿媽留咗湯畀自己,都好感動!」阿翟更表示:「有時阿媽會幫我哋煲糖水賣,妹妹亦會落鋪幫手。」現時,他們每日的營業額為$2,000至$4,000不等,預計一個月可賺$20,000至$30,000。
Warrick畢業後會找正職,同時希望可以維持小食店的生意,盼可與小伙子們「在幻變領略了最重要」的夢想!


脆皮墨魚丸,$10一串,$28三串;雞軟骨,$8一串;安格斯牛柳粒,$13一串、$25兩串。 

蒜香燒扇貝,$20一隻,$36兩隻。 

榛子麵包,$7一串。

申請食肆牌照

要經營小食店,必先視乎食店類型申請不同的食肆牌照,以串燒店為例,燒烤肉類、製造甜點及食品加工等,都得申請食物製造廠牌照。
如欲申領任何食肆牌照,申請人應向食環署遞交申請書辦理手續。

食環署網頁查詢: http://www.fehd.gov.hk 

小伙子
地址:旺角長旺道 3A地鋪地下
電話: 5545 5340
instagram: mybuddieshk


撰文:霍芷晴
攝影:羅巧怡

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()