泰式燒蒜茸包$25/串
1.新鮮蒜頭剁茸,混合牛油再燒,香脆。

燒雞全翼$13/串
2.雞翼醃得夠入味,燒得外脆內嫩又多汁。

泰式肉腸$13/串
3.摻了較多糯米,像台灣的大腸包小腸,泰式地道口味略帶酸。

泰式燒蝦餅$12/串
4.蝦餅彈牙,一啖食落香茅味好香。

泰式燒腍肉$13/串
5.豬肉撈了少許糯米,口感帶點煙韌,好香口。

庶民飯堂

覓食地圖 救串燒店 

金泰串燒 地址:旺角上海街 436號 H鋪 電話: 96025600

Ads by Google

雨傘運動轉眼個多月,看得到大家的堅持,但無可否認佔領對小商戶造成影響,尤其旺角一帶。在油麻地開業個半月的泰式串燒店「金泰」首當其衝,負責人 Vivian確實擔心過,「原本客源穩步向上,但運動剛開始,生意插水急跌一半。」怨佔領者嗎?「咁又冇,呢啲大圍因素。後來有個女仔走嚟食嘢,話不如幫我將餐廳傳單放到彌敦道上宣傳。近日生意慢慢回復,我都好多謝佢哋。」這群年輕人,在信和門外放置了「佔領撐小店」地圖,途人看後可以跟住路線覓食。

 

有人撐,都要有水準先做得住, Vivian由中午開鋪至半夜,每日與泰國員工一同親自做泰式醬汁,有沙爹醬、酸辣醬,食材、香料都由九龍城入貨,味道地道。串燒即叫即燒,泰式燒腍肉、蒜茸包、中蝦等,都係十二三蚊串;清新啲可揀木瓜沙律,即撈唔會出水。「蒜茸包我哋自己剁蒜茸,所有飲品都用新鮮水果,唔係用糖漿開稀。客人食過讚好就會返轉頭。」怕食串燒熱氣, Vivian推介自家沖製的沙冰之外,竟然還推介附近的「一品涼茶」店,唔怕爭生意,「小店撐小店嘛!」

木瓜沙律$40
大大碟好足料,有爽脆木瓜絲、芽菜、惹味蝦米和花生碎,清新開胃。

紅豆沙冰(前)、泰式咖啡沙冰(後)$20/杯
泰國咖啡較香甜,而紅豆就自家煲腍。

海鹽燒中蝦$15(價錢按蝦大小)
肉質結實,加少許鹽已經出味,蘸酸辣汁鮮味更出。

彌敦道上「佔領撐小店」覓食地圖一出,就會有好多市民圍埋嚟睇。抗爭不忘對抗財團壟斷。
金泰串燒
地址:旺角上海街 436號 H鋪
電話: 96025600
營業時間: 12:30pm-3:30am


撰文:吳韻菁
攝影:胡春輝

tvb4life 發表在 痞客邦 留言(0) 人氣()