衛詩雅 避同 網友私信 心妍 拒與 G.E.M. 比較

Ads by Google

衛詩雅避同網友私信

女星衛詩雅和陳靜日前於坑口東港城出席活動,提到詩雅日前在微博遭到性騷擾,對方透過私訊向她發送下體照,問會否影響她與粉絲互動?她說:「平時都有收到粉絲私信,例如有啲幻想係我男友咁提我早啲返,呢啲都可以接受。(打算點處理?)打算關閉私信功能,朋友擔心太大反應會令對方變本加厲,所以考慮兩日先公開。」詩雅表示事件未有造成大影響,她更將在12月重投電影工作。



陳靜(左) 衛詩雅(右)

心妍拒與G.E.M.比較



■阿Jade演唱會排練多時,坦言會有不少新嘗試的演出!

關心妍(阿Jade)昨日在深水埗出席演唱會的宣傳活動,阿Jade與fans玩遊戲兼送演唱會門票,問到售票情況,阿Jade說:「有一場已經爆咗,𠵱家剩返半場飛,我好感恩喺𠵱家有唔同嘅事發生,喺咁困難嘅情況下,大家都咁支持我。」她透露嘉賓人選已經安排好,不過要保持神秘,暫不會透露。至於G.E.M.的演唱會門票比Lady GaGa還要貴,阿Jade說:「𠵱家G.E.M.已經炙手可熱,唔可以同佢比較,但係香港歌手可以賣到呢個價錢,我都戥佢開心,我都為佢驕傲,我都希望將來啲飛可以賣到呢個價錢!」
採訪、攝影:沈健程

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()