Hercules平時在店鋪維修客人的耳機,約 15分鐘內完成工作。

Ads by Google

Jobs Live
救急耳機
現今滿街低頭族,大部分手機不離手,耳不離音樂,手提電話和耳機都是出街必備良伴。可是耳機的壽命不長,最常見病症是「單邊失聲」,不久連另一邊也失去功能。以為無人專門打救壞耳機?熱愛音響的 Hercules便有一雙巧手,他從中學開始埋首研究,由討論區接生意,到上年開店,繼續將耳機起死回生。

 


「耳機壞嘅原因通常係收納方法唔啱,放喺褲袋會容易屈斷啲線,又會損壞插頭。」現年 36歲的耳機維修達人 Hercules跟大多數男生一樣,兒時喜歡玩組裝,中五暑假時第一次成功將耳機拆開再修好,更加激發他的好奇心,「當時好興聽 walkman,我儲錢買嘅耳機壞咗好肉赤,所以用上木工科學過嘅嘢,自己拆開耳機整番好。」
由討論區開始
05年, Hercules在亦軒耳機音樂討論區和「巴打」交流耳機維修心得,是一位活躍會員,「網站負責人邀請我開班授徒分享經驗,後尾仲有網友搵我幫手,手工費由$60起。第一次係整 headphone,插頭壞咗要焊番。」其後生意漸多, Hercules每月約有 60單生意,一星期有兩天會相約客人在旺角或九龍塘港鐵站交收。
直到 12年,政府打擊水貨客,連帶 Hercules交收亦受影響,「我被港鐵點咗相,警告我再喺港鐵站內交收,有可能收到$5,000告票,咁咪蝕埋本?上地面交收又唔方便啲客,加上發現坊間對耳機產品嘅需求愈嚟愈大,見少人專做耳機保修服務,一於趁機自立門戶。」同年他辭去環保顧問工作,並於 13年底,在旺角租下 210呎單位,開設「小修小寶工作室」,將大部分唱片收藏及音響設備搬至小店,工作之餘更成為享受音樂的私竇。
耳機有汗味
現時 Hercules月入約有$12,000,會因應耳機「有病」的部位加以收費,耳塞手工費約$40,耳筒手工約$60,零件另計。一般修補耳機的收費$80起,入耳式耳機的維修費$200起。
Hercules表示客戶由以前 OL、學生轉為以退休中產人士為主,「有啲客除咗唔想嘥嘢之餘,因為耳機要用過一排,性能慢慢穩定,先發揮到最佳水準,聽慣聽熟唔想買過新嘅耳機,重新煲過。多數客人會一次過拎 3、 4個嚟整,好多客都唔識保養及保持 earphone清潔,有時拆開耳機仲聞到有汗味、油味,真係差啲媽出聲!」
           
作為一名音響發燒友, Hercules還售賣線材及配件,並得到美國線材品牌 Black Cat的香港獨家代理權,售賣其產品。圖為接駁 CD機和擴音器的音頻線。售價$3,200

小寶客人
上網知道呢間鋪,第一次幫襯。耳筒都係買畀小朋友用,買咗冇耐,希望整番好畀番佢哋用。
修理壞插頭逐格睇

1.剪開導線外層的塑膠,找出斷掉的幼導線。

2.用「辣雞」在導線上焊錫。

 

3.修剪導線的長度,並套上透明膠套。

4.焊上插頭。

5.蓋上膠套。

6.修理完成。
收好耳機靠膠盒
1.不少人貪方便,隨手把耳機在電話打圈,袋在褲袋, Hercules表示每逢坐下前,切記要拿出耳機,免導線受壓折斷。
2.電話宜放在靠近耳朵的位置,如衫袋,減少導線擺動的幅度。


3.耳套要保持清潔,不時更換;而入耳式耳機因為耳膠常接觸汗水及耳油,而失去彈性,則要兩星期更換 1次。


4.聽歌時導線經常貼面,面油會令外層塑膠硬化,要用除菌濕紙巾清潔污垢。


5.用膠盒收藏耳機,放入袋、帶出街便非常安全。
facebook:小修小寶工作室
查詢: 9518 2081

撰文:何瑋盈
攝影:彭自維、傅新發

tvb4life 發表在 痞客邦 留言(0) 人氣()