Jonathan  20歲 香港城市大學創意媒體系 Yr.3
Chrystal  20歲 香港知專設計學院 時裝及形象設計系 Yr.1
Jonathan與 Chrystal表示:「平時我哋都會帶自己設計嘅耳環出街,當係宣傳。希望多啲朋友見到,覺得靚就搵我哋買!」

Ads by Google

U撈
90後情侶檔 舞動耳環
跳舞要型,努力練習固然重要,但穿衣之道及飾物配襯亦是一門高深學問,要入型入格,都需要一定的時尚觸覺!今年同是 20歲的 Jonathan和 Chrystal自小喜歡跳舞,中學時代更開始製作小飾物。 2人於去年成立 00rings,設計浮誇耳環,主攻跳舞型人市場。你又型唔型得起?


「啱啱空堂有時間,我整咗一對花花耳環!」採訪當日, Chrystal興致勃勃展示一堆耳環予記者端詳,十分雀躍! Chrystal與 Jonathan於 15歲時因跳舞而結識, Chrystal自中二起便很喜歡製作小飾物,「好多跳舞表演都要自己整 costume及飾物,好似耳環、手鏈及頸鏈等,得閒都會整畀自己戴。」她的巧手製作獲得不少朋友的認同,去年 3月起更萌生創業念頭。
「跳舞有好多主題,好似槍、錢及打仗等,都需要誇張飾物配襯,但市面上好少呢類飾物,覺得喺耳環加入跳舞元素,好似 sharp啲嘅顏色及搶眼嘅字母符號,應該有商機。」 Jonathan自言喜歡配襯衣服、設計及攝影,「我哋各有專長,我負責設計, Chrystal則負責製作,有得發揮創意之餘,又可以賺吓零用錢,幾好呀!」

Chrystal平日一有時間便會製作耳環,「多數喺屋企整,有時襯空堂整,把握時間整多啲!」

採訪當日, Jonathan與 Chrystal一身跳舞裝束,配上自家設計耳環,拍攝時擺出型格 pose可謂毫無難度!
香港廠易溝通
他們於 13年 10月成立 00rings,然而,做生意對兩位創業初哥來說,並不如想像中簡單,「除手製耳環外,我哋仲有去內地搵廠整,試咗 4至 5間,一喺話我哋啲設計太複雜,一喺佢哋整得太粗糙。最後都係搵番香港嘅廠商,雖然價錢貴 1倍,但質量好啲同埋可以面對面溝通,方便好多。」
幸好 Jonathan的家人從事製造業,可以請教他們有關格價及與廠商溝通的技巧。不過,他們也有撞過板,「好多嘢真係試過先知,之前諗住設計一句日文做耳環,但日文個個字分開,唔似英文有連續性,所以做唔到。之後嘅設計就要以簡單構圖為主,例如幾何圖形及字母。」
迎新日派現金券
現時客人以 15至 25歲為主,他們很重視客人的意見,「有幾款耳環原本只係打算推出一隻顏色,我哋都聽朋友嘅意見,推出多幾種顏色。」除了 facebook及 instagram外,他們亦於跳舞 studio中寄賣,另外, Jonathan乃舞蹈學會成員,更於迎新日派發現金券以作推廣。現時,他們每月平均有 30至 40張單,暑假更有 40至 50張單,每月平均賺$4,000。
Jonathan與 Chrystal坦言創業最大的困難乃時間分配,「我哋返學、排舞、做 part time,仲要整埋耳環,兩個都幾難夾時間開會。所以我哋分工分得好清楚,希望增加工作效率,於各方面取得平衡。」 2人打算日後會參與手作市集,推出更多新款耳環,畢業後找到正職後,仍會繼續賣耳環,延續自已的興趣!

Daisy大珍珠造型耳環,售$120一對。

Y-Pearl耳環,售$150一對。

貨幣造型耳環,售$180一對。

「 Guns down」造型耳環,售$130一對。


Fung 客人
我喺 Instagram見到有朋友 like佢哋耳環嘅相,就去睇到吓。我幾鍾意原創設計,睇得出店主好畀心機去設計每一對耳環,價錢算合理,同埋好易襯衫!


Instagram: 00rings

撰文:霍芷晴
攝影:傅新發
部分圖片由被訪者提供

全站熱搜

tvb4life 發表在 痞客邦 留言(0) 人氣()