Webber

時裝 Buyer 網上生還實錄

Ads by Google

網上商店開到周「網」都係,網絡狙擊手又周圍匿埋,小商家想名正言順呃 like炒生意嘅時候,又怕太 hard sell;想 soft啲透過分享形式吸引人,又怕俾網民話假分享。唉!呢個年頭真係搵食艱難,到底如何做生意嘅同時,又不失 fans呢?記者發現由時裝 buyer做起,做到今時今日升格為店長嘅 Little KaKu粉絲數量又唔錯,可以向佢討教平衡心得。

Webber's profile
Little KaKu
facebook page: Little Kaku Blog
Like:約 11,836
Instagram: littlekaku
followers:約 7,381

喺 fb見到呢位小妮子嘅穿搭相,靚到日本人都要搵佢影相,實力不容忽視

Q:宜家嘅人通常都會同時有 fb同 IG account,大部分人會互相同步,放嘅嘢都係一樣,咁你自己又會擺啲咩上去?
A:呢兩個 account我擺嘅相會盡量唔同,令我嘅 fans可以睇多啲唔同嘅嘢。 IG多數會係一啲個人嘅嘢,例如食物同旅行相;而 fb就同自己鋪頭多啲連繫,會較多化妝同穿搭嘅分享,通常 fans會同我傾有關穿搭嘅嘢。其次就係旅行,因為我成日都會去日本同韓國入貨,佢哋都會叫我推介下。

自己入貨、自己襯衫都唔只,仲要自己做埋 model,真係美貌與智慧並重!記者超 like!

Q:我知道你之前有另一個比較多人 like嘅 fb page,超過 17,000個 fans。 Close咗舊 page後,新 page就只得 11,000粉絲,點解要咁做呢?有冇後悔 fans流失呢?
A:因為之前個 fb page係我舊公司嘅老細幫我開,因為我已離開舊公司嘅關係,所以就 close咗,再重新開新 page搵 fans,感覺上同舊公司分開會比較好啲。其實我覺得雖然 fans少咗,但呢 11,000個 fans唔少係好耐之前已留意我,所以先會跟隨轉 page,關係比起之前更密切。

IG嘅食物相,香港食唔到,呢個咪係呃 like大絕囉!

Q:見你嘅工作都係可以周圍飛嚟飛去,又可以扮靚,又有得 shopping,好似好開心,女 fans咪好羨慕你囉?
A:一般人見我嘅工作好似好開心咁,但係靚相背後其實好辛苦,一落機就冇得停,瞓覺嘅時間接近冇!我試過買緊嘢,俾緊錢嘅時候,真係攰得滯喺個 counter度瞓着,嚇親個收銀小姐。

呢位小妮子有時都係一個傻大姐,見佢有得周圍飛,雖然記者都葡萄,但見佢咁搞笑,點嬲得佢落呢?

Q:有冇試過有女 fans因為葡萄你嘅工作而攻擊你?
A:可能我個人比較真,唔似有啲女神着到好靚 post IG呃 like,加上慶 幸我嘅 fans都比較 nice,所以冇試過有惡意攻擊。、勁樣衰、勁奇怪!會有少少唔開心,但我又覺得「算啦呢啲嘢,都控制唔到」,唯有調節自己心態。

撰文:陳可兒
攝影:楊晴

tvb4life 發表在 痞客邦 留言(0) 人氣()