45歲嘅雲妮絲域嘉上周一( 10月 20日)被指整容,沉寂一個禮拜終於蒲頭。當日佢打扮隨便,頭髮蓬鬆兼且面容憔悴,我只可以講:佢好有勇氣! 

歐洋風

變面後首曝光  BJ殘到爆

Ads by Google

仲記得邊個係雲妮絲域嘉嗎?
呢,為《 BJ單身日記》增肥幾十磅嘅肥妹仔呢?
久違幕前嘅佢,上周一( 10月 20日)出席活動時「驚艷」全場。眼唔止大咗,面容仲膠感十足,被網民批評佢整容失敗。
當事人梗係例牌否認啦!喺啱啱過去嘅周末,雲妮更心口掛個「勇」字,以殘爆素顏現身,為萬聖節預演嚇人。

 

望住左下角雲妮絲域嘉( Renee Zellweger)變臉嘅相,我猶疑:究竟佢係食咗瀨尿牛丸定中咗還原靚靚拳?當事人冇解答我嘅疑問,不過就解釋:「好開心大家覺得我唔同咗。我依家過得充實又開心,或者因為咁而反映喺我面上。」嘩,搵定晒下台階,我哋呢班花生友仲有咩好講呢?

 


2014走晒樣 

雲妮出事當晚,個樣係咪好怪異呢?雜誌就搵整容醫生分析:
1.眼皮抽脂:眼睛變大但上眼瞼收窄,令眉形變異。
2.眼眉提拉:增大眼睛同時撫平額頭皺紋,但髮線因而提高。
3.顴骨打入填充物:面容飽滿但少不免一朕膠味。

變面進化史

 


2000索爆31歲風華正茂,索。 

2004肥嘟嘟雲妮拍攝《 BJ》續集,再度增肥,睇佢塊面包包哋,超 sweet。 

2009正常事業走下坡,但呢個時期嘅雲妮,體重適中,樣貌正常。 

2013眼大咗眼睛好明顯大咗,左右眼亦輕微不對稱,惹嚟整容疑雲。 

愈霉愈變樣

事實上,變面傳聞唔係第一次傳出。還記得 1996年,雲妮同湯告魯斯( Tom Cruise)合作《甜心先生》時驚為天人!眼呢雖然細,面亦都包到似 pizza,但勝在夠獨特,笑起上嚟微絲細眼,不知幾甜。到咗《 BJ單身日記》,雲妮為角色增肥 40磅,又 sweet又 cute。可惜愈撈愈霉, 2010年打後,佢事業全面停滯,面部卻悄悄起革命,卒之咪出事囉。


正面睇膠得可怕Close up再望一望,皮膚平滑,但有啲硬膠。可能冇化妝,成個樣都好冇光彩。 

側面睇 firm得離奇以 45歲嚟講,雲妮下巴同腮位 firm得驚人,話冇執過,邊個信? 

笑到滿面皺紋如果打 botox,表情紋唔會出現,不過拉面皮的話,係可以做到正常表情。只係雲妮一笑,嘩……

違和新面孔

2013年一個活動上,雲妮以「新面目」示人。雖無經濟貢獻,但惹嚟網民熱議。直至上周一( 10月 20日),佢再度現身,眼睛明顯大咗,顴骨亦飽滿晒;額頭雖然冇皺紋,但眼部又滿布魚尾紋喎。成個樣明明係雲妮,但偏偏又唔似,總之就充滿違和感啦!
難得雲妮夠晒豁達,解完畫即潛水,一個禮拜後蒲頭再同大家見面。當日佢披頭散髮配上街坊裝,完全零星味;喺不施脂粉嘅情況下,更顯得蒼老同憔悴。一句講到尾:變面革命尚未成功,雲妮同志仍須努力。加油呀!

整容有好有壞

做得荷里活明星,面容或多或少都微調過,至於係變靚啲定面目全非?就睇下你醫生好唔好手勢啦。

美琪賴恩孖膶腸

曾經係一代女神嘅美琪賴恩本來好 pure好 true,但愈老嘴唇唔知點解愈粗,好似食物過敏中毒咁。


美瑾霍絲執得好

以前鼻闊嘴唇薄,家下女神美瑾霍絲有細緻尖鼻同性感豐唇,成功變靚啲。


米奇洛基邊位呀?

米奇因為酗酒同打拳,搞到走晒樣。衰在佢搵着個黃綠醫生,由極級靚仔變咗今時今日唔知邊位。


妮歌潔曼膠不停

妮歌潔曼嘅膠面蜚聲國際,中外馳名。其實睇番佢以前攣髮鄉下妹 look,都好順眼吖!




撰文:娛樂組

    全站熱搜

    tvb4life 發表在 痞客邦 留言(0) 人氣()