瀑降每個溪降旅程所遇到的體驗都有所不同, Gordon安排今次的行程則以瀑降為核心,「雖然香港冇外國咁大型嘅山峽河谷,但瀑布冇咁猛烈,反而適合初玩者體驗瀑降,在水流嘅沖激做沿繩下降,緊張同剌激感會提升好多。」 

Jobs Live

溪降考膽識

Ads by Google

在外國流行多時的溪降(Canyoning),近年在香港亦成為一門熱門活動,溪降泛指由山谷河川的高處出發,用不同的下降方法去完成一個旅程,包括下攀、滑行、沿繩下降、瀑降、跳潭等。 Gordon是歷奇活動導師,不時舉辦溪降活動,他認為這是充滿挑戰性的歷奇旅程,考你身手兼膽量。

 

採訪當日烈日當空,參加者隨着 Gordon走過馬鞍山上的山路,來到馬大石澗的中段, Gordon說:「一般旅程嘅參加者係 4至 6人,但今次有 10個人就比較多,所以會係定點旅程,揀呢個地段可以畀參加者體驗到沿繩下降、瀑降、跳潭、飛索等溪降中唔同嘅元素。」
看見 Gordon嫻熟地架設不同的設備及示範各種下降技巧,想不到他是讀社工出身,「大學畢業後加入一個機構負責青少年外展服務,不時要開辦露營、攀石、行山等野外活動,接觸得多,自己開始產生興趣,於是就考咗攀石、康樂沿繩下降、歷奇活動、急救等唔同嘅資格及牌照,都玩咗成 10年。」
08年, Gordon在台灣接觸到溪降活動,並不時與友人組團在香港玩溪降,「初初都係同玩開攀岩嘅朋友去探險,慢慢朋友帶朋友嚟玩,我開始收番一百幾十當學費教佢哋點玩,之後新手開始多,覺得市場都幾大,不如自己正式跳出嚟搞。」


跳潭參加者站在高處一躍而下,立即能感受水潭中的清涼。 Gordon事先會了解潭底水位深淺及潛入水底檢走樹枝等硬物,跳躍的幅度及角度都有考慮,簡單的一跳其實做了不少安全功夫。 


沿繩下降在高處以沿繩下降的方式去到較低點,難度最低。 

飛索進行飛索所需工具較多,並不是每次旅程都能體驗到,參加者以斜線由高位滑行到低位,凌空的不安定感加上由高速所產生的離心力,刺激感十足。 

台灣玩到香港

12年, Gordon成立香港攀岩歷奇,全職帶領不同的歷奇活動,現時溪降活動,每位收費約$350,歷時約 6、 7小時,「溪降主要集中喺 7至 9月,因雨水較多,溪澗有水先可以做各種體驗,其他月份則會帶攀岩、行山歷奇嘅團。玩溪降男女都有,女仔佔 3份 1,溪降喺香港其實冇專屬嘅教練制度,帶團惟有靠累積多啲經驗。」現時 Gordon每月收入約有$18,000。

facebook:香港攀岩歷奇


每次旅程, Gordon和助教等人必事先勘察現場,出發前亦會教授參加者一些繩扣及攀登技巧,去到現場亦會再次示範,讓初學者亦可以快速上手。 


這次溪降旅程是一眾友人為一名參加者(舉手者)慶祝生日而舉行的驚喜派對,看來以後搞生日活動會有更多不同的選擇。 

Lindsay參加者之前玩過室內攀石,今次係第一次玩溪降,刺激感大啲,尤其玩瀑降時水聲會充斥耳邊,岩石亦濕滑,下降時會好緊張,成個旅程都好好玩。Natalie參加者第一次玩,初頭都好驚,見朋友玩得好安全,自己都放心去玩。 

撰文:曾志恒
攝影:傅新發

    全站熱搜

    tvb4life 發表在 痞客邦 留言(0) 人氣()