寧采臣 

漫遊毒物

似過蠟像 哥哥奪命傘

Ads by Google

聽〈撐起雨傘〉,總覺得少咗梅姐同哥哥兩位大好人,一個熱情、一個友善,佢兩位如果在生,一定第一個衝落金鐘、旺角瞓。
唔緊要,哥哥張國榮生前其中一個代表性角色──《倩女幽魂》書生寧采臣最近 figure化,記者開盒一睇,不得了!唔只樣子雕到真人一樣,像真過山頂個哥哥蠟像幾倍,黑帽如頭盔、背包內藏有海報、水壺、指南針等小雜物、加上一把「書生奪命油紙傘」,做得活靈活現,好一個古裝書生、撐起雨傘。

 

 


油紙傘按照劇中造型做得比較大把且粗糙,看不出有任何攻擊性。 

包裝盒模仿中式線裝書,極有心思。 

背包係用竹製,好似職安真漢子咁真材實料,紮繩跟麻布細節加強像真度,係整隻 figure最搶眼 item。 

OK, You Win 

華麗古裝始作俑者

《倩女幽魂》改篇自《聊齋誌異》短篇《聶小倩》, 1987年由徐克監製、程小東執導,打得正、扮相靚、浪漫人鬼戀一手捧紅張國榮及王祖賢(女主角小倩)成為亞太巨星,港產片亦掀起一輪靚人靚景古裝鬼片熱。
奚仲文憑本片得到金像獎最佳美指及金馬獎美指提名,而 ShirleyChan陳顧方更奪得台灣金馬獎最佳服裝造型,絕非一般 TVB《民間傳奇》古裝可比,造型設計有心思,又有點意想不到的細節位,意境極高。好似呢款寧采臣,最搶眼就是個有雨擋嘅古代版登山背囊,上面紮有無數小包,原來哥哥係一位「收帳書生」,專門負責管理數簿帳目,故事正係講寧采臣為免帳簿弄濕,先會走入破廟偶上女鬼聶小倩,加上一把可自由開合,以紙同木條手製嘅油紙傘,有功能、有造型!$1,480


黑色皮帽內有鐵絲扣定造型,以膠料製嘅寧采臣樣子雕得非常之似,如果表情再豐富啲可能仲正。 

包內還有些小物如:水墨畫、水壺、手搖鈴、指南針等等。 

一身灰色麻衣,看似樸素,原來哥哥係喜歡穿鮮色贍褲, dot柄夠潮。 

布鞋單邊有蝴蝶結,別擔心弄不見或缺件,正常嘅。 

查詢  Enterbay

(旺角廣華街 1號仁安大廈地下 12號舖/2332 3615)

港產古裝有乜好搞?

徐克對造型同服裝真係要求好高,如果記者話事,我一定要 Enterbay出《笑傲江湖》同《東方不敗》,尤其後者,林青霞個日系造型華麗又經典,反而令孤沖我真係唔知出許冠傑定係李連杰版好。


許冠傑拍過唔少戲,除咗《半斤八兩》扮李小龍,呢個《笑傲江湖》令孤沖造型都算正斗。 

林青霞拍一套《東方不敗》已經有幾個造型,但唔好搞錯出咗星爺套《神龍教》個搞笑版。 

撰文:鍾世傑
攝影:羅巧怡

    全站熱搜

    tvb4life 發表在 痞客邦 留言(0) 人氣()