ETIPS

掃平飛旅行

Ads by Google

近來廉價航空公司頻頻提供超筍機票,飛日本、韓國來回連其他雜費,平到只需幾百蚊。
不過,次次都是朋友講先知有平飛,點會夠人搶?
其實只要睇住以下兩個網站及 Like了其 facebook群組,就絕對不會輸在起跑線。
一年內平價飛幾次,其實不難。


着數最多 又飛啦! http://Flyagain.la


雖然網站的版面設計有點混亂,但 update得快,日日有新料。 facebook回覆反應亦夠快,幾乎有問必答,遇到訂飛問題,不妨留言搵幫手。
網址: flyagain.la
貼士有用  http://Flyday.hk低成本旅遊情報網


更新速度雖然不及 Flyagain,但網站提供的訂飛貼士非常詳盡,例如教你幾時訂飛最易成功,訂機票時填寫的個人資料之後能否免費更改,搶飛前可了解更多詳情。
網址: http://www.flyday.hk
百無服務

廉航逐樣服務收費,除了無餐飲服務,就連想揀位坐,都要收錢。

廉航機票之所以能夠平到笑,絕對有原因,只要你接受到以下幾點,先可以慳到盡。
無行李:如果要託運行李,每件至少收$150,來回就多幾百,所以最好 hand carry。
缺餐飲:本身不連餐飲服務,飲支水都要俾錢,不過,一般飲食只需幾蚊至三十幾蚊,到時先買都不遲。
任排位:同朋友一齊飛,想坐埋一齊或揀特定座位,都要俾多幾十蚊。實際經驗是座位可上到機先私下搵乘客調,又慳番筆。
零保險:自己買仲實際
平價豪住

有同事試過去北海道函館,經 Airbnb網站用七百幾蚊豪住千呎半山 apartment,抵爆。

安排住宿,最常用 Agoda、 Hotels.com,但如果不介意住民宿,其實用 Airbnb更實際。特別是去東京,用蚊型酒店價錢,已經住到成間屋,仲有齊廚房設施,住得更舒服。
網址: http://airbnb.com

text:周群雄
illu:朱桂葉

    全站熱搜

    tvb4life 發表在 痞客邦 留言(0) 人氣()