佔領區每個帳篷都有故事,張依勵過去
一個月,聽過老、中、青跨代心聲。

Ads by Google

張依勵  坦白講
忘不了「菠蘿」
張依勵,紅十字會臨床心理學家。學生九月底衝入公民廣場翌日,紅十字會開設「心理支援服務熱線」,為因佔領事件出現情緒問題的市民提供輔導,兩星期共接獲四百三十九個求助,當中包括多名曾目擊六七暴動的老人。


不少長者見到掟催淚彈,回想起六七暴動的「菠蘿」,原來這段歷史一直埋在老一輩的內心深處。

「喂,呢度係紅十字會熱線。」兩個禮拜以來我不斷接電話,最記得有一次我講完呢句,就聽到一位老伯,把聲震住咁話,睇電視見到警察掟催淚彈,諗番起六七暴動,當年周街有人掟土製「菠蘿」,最終五十一人死、八百多人傷。伯伯話好驚、好亂,今次見到唔係暴徒嘅學生拎住把遮去擋催淚彈,覺得好心痛,見到佢哋個個瞓晒喺地,又喊又咳好辛苦,伯伯好擔心,佔領行動最後會變成六七暴動翻版。
伯伯又話,睇報導嘅時候,心跳得好快、手不斷震,想瞓又瞓唔到,腦海成日浮現新聞畫面,交叉四十七年前的景象,於是打嚟訴心聲。其實,除咗呢位伯伯,仲有三十多位公公婆婆都打來話,催淚彈令佢哋諗番起六七暴動,原來呢段傷痛歷史,對老一輩嚟講係永世難忘。
時間,是治癒創傷的良藥,但這一次的傷痕時空交錯,又要多少歲月,才能撫平老、中、青三代人的痛?
掟催淚彈嗰日,我喺紅十字會金鐘夏愨道總部當值,我聽到新聞立即趕落樓推開大門,嗰陣煙味真係好難聞,我哋即刻戴眼罩、口罩、手套準備幫手,無幾耐就有一批傷者送來,大部分都係年輕人。有個人骨折要即時送院,但佢竟然話唔得,要先打電話,確保同佢一齊「食彈」個朋友安全先放心。
催淚彈撕裂了社會,香港人由身體創傷,變成唔同立場嘅人無 friend做,心靈的傷口滴血不止。有唔少父母打電話嚟,話屋企人之間因政治立場唔同,吵過無數次,有的更同仔女一度失去聯絡,好擔心佢哋人身安全。而情侶之間亦出現好多爭拗,有個女仔因為同男朋友睇法唔同,大鬧之後分手收場。個女仔喊住打來問:「點解平時好哋哋,竟然因為對一件事有唔同睇法,就要放棄一段感情。」
因為,今次呢件係社會大事啊。我曾經為南丫海難、花園街大火等慘劇的受難家屬,做過心理支援,但今次工作比以往難度更高。人與人之間的撕裂,可不是短時間就能修補。
每當接到電話,我唔會同求助人重複講佢面對嘅困擾,避免勾起傷痛。我會建議放鬆心情做其他事,分散注意力。如果每日離唔開新聞,就嘗試多閱讀文字,少看衝突畫面。
當你跟唔同意見的親友討論,好想鬧交或者在 facebook unfriend一個人之前,先深呼吸一啖氣諗諗:呢段關係,難道真的沒有其他嘢值得珍惜?
我哋無特別問求助者職業,唔知道有無警察、公務員、記者打過嚟,但好想俾個貼士各位:如果唔開心持續一個月仍未能平復,建議大家求醫或搵臨床心理學家深入傾訴,千祈唔好屈住喺心。、記者打過嚟,但好想俾個貼士各位:如果唔開心持續一個月仍未能平復,建議大家求醫或搵臨床心理學家深入傾訴,千祈唔好屈住喺心。
由你開講
一切好人好事,壞人壞事,先吐為快。
你敢坦白,我敢講。
電郵: voice@nextmedia.com

撰文:陳雅欣
攝影:鄭樹清

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()