黃玉郎肚腩凸凸

六十四歲嘅黃玉郎一向畀人嘅印象係風流倜儻,超級多妹妹仔埋身。年前有指佢做埋抽眼肚脂肪手術,眼神烱烱就更加型英帥,搞到細佢三十幾年嘅「怪談女」林熹瞳,都暈得一陣陣,同佢十指緊扣慢步城門河傾心事。查實冧女有一手嘅黃玉郎有財力,外形又不俗,真係令唔少中佬都好羨慕佢o架。

Ads by Google

不過,早前東姑喺街見到黃玉郎啱啱食完飯,向來好注重自己身形嘅佢,肥咗唔少,兼且肚腩凸凸,個肚大到件恤衫就快爆鈕。食到肚滿腸肥,小心啲妹妹仔唔鍾意,冇女埋身就寂寞嘞!

當晚,黃玉郎着咗件緊身恤衫,顯得肚腩更加凸凸添。

黃日華愛女黃芷晴見到黃玉郎,立刻上前要求同呢位uncle影番張合照,證明黃玉郎仲好有魅力噃。

早排,黃玉郎出席小丸子嘅活動時,就刻意着番件西裝褸遮一遮,即刻型晒!

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()