冼卓茵( Fiona, 29歲),任空姐 6年,為愛犬棄私人飛機空姐優差,留守香港,幫朋友打理 Café。

年輕有夢
以空間換時間

just COFFEE 地址:上環太平山街 16號地下 B鋪 電話: 2803 0088

Ads by Google

愛狗如命的 Fiona,甘為年邁的 9歲八哥樂樂放棄 Private Jet的空姐厚職,無腳雀仔落地後搞 Café,人工減半,工作日卻 Double!
但依然說值得,「以前每次要飛,樂樂都眼濕濕擋喺門口!」
人之異於禽獸者在其惻隱是非之心,樂樂尚且懂得。
在牠罹患肥大細胞瘤的風燭之年, Fiona決定以空間換時間……

周末吃好
秋風得意

樂樂是頭八哥狗女,從兩個月大起養育,分外黐身。每次 Fiona上機前都擋着她去路外,又總是跳進她的行李箱,千方百計阻撓主人遠行。
奈何 Fiona不愛朝九晚五 OL工作,跑到國泰當了五年空姐,「飛美國四日,又有四日假期,所以一直以嚟同狗狗嘅相處時間不成問題。」
隨後,更幸運地受聘於私人飛機,人工是國泰的三倍之餘,隨老闆飛抵一目的地,每逗留一天又有津貼,每月才飛十多天,到過不丹、和平之島 Rota Island,「份工係好筍,但無自己時間。」當 Private Jet空姐,需隨時 On Call,碰巧老闆人駐杭州, Fiona也得獃在杭州候命,悶得發慌。最慘情是 Fiona剛上任時,才發現樂樂的臀部有異物凸出,經診斷罹患肥大細胞瘤!「醫生話要抽取組織化驗,但抽血時佢已經血流不止長達半小時,加上年紀大,見佢仲行得食得,唔想佢捱一刀!」
自從愛犬患病,長駐杭州的 Fiona思念不已!「摸熟老闆脾性後,知佢飛得唔密,都試過偷走返香港!但有一次偷返嚟半日就接到 Call……」礙於 Private Jet的工作得來不易, Fiona苦守一年,最終還是決定回港。碰巧友人一直想試開一家 Café卻分身不暇,於是出資,請 Fiona挑起大樑,由選鋪、裝修、挑選食材都一手包辦。

當 Private Jet空姐, Fiona事無大小都要自己準備,飛機餐、雜誌、拖鞋……。

樂樂原是朋友送給 Fiona的生日禮物。
空姐跟 Café,看似風馬牛,但 Fiona接觸咖啡,始於飛美國長途機,「因為 Jet Lag,唔飲唔得。」由開頭只為提神,到慢慢講究,又買了部家用咖啡機,並漸漸愛上齋啡,早前還報讀咖啡課程。沒經驗的她,網上瘋狂發掘咖啡豆,偏好非洲及南美的精品咖啡,並不時轉換莊園品牌,撞激味覺。
相比咖啡,個人更愛這裏的 Signature Chocolate,一杯熱朱古力如套餐般以托盤上枱,盤內鵝蛋形小杯精緻如蠟燭座,為鮮奶保溫,其側的奶壺,讓你需要時才添加,一小碟朱古力豆,自調個人濃度,如果太多牛奶味,朱古力味有無碇企,自行話事。一支鐵匙除舀朱古力豆外,原來還是一支鐵飲管,功能二合一,精妙得過分。問 Fiona何以這麼好諗頭?原來是在國泰當空姐飛澳洲時到過的一間餐廳出品,「呢個係澳洲好出名嘅牌子,我係原 Set買返嚟。」還有芝士蛋糕,是每次飛美國都必光顧的 John& Jill's,現每約兩星期空運三四款口味,有藍莓、朱古力或紐約芝士蛋糕等, Fiona偏好其口味 Creamy,濃郁滑溜。
食物不成問題,反而是選鋪、裝修弄得一頭煙。為打造咖啡店悠閒讀書風,趁小童群益會義賣書籍時親抬百本好書,當中不乏生活小品及旅遊書籍。裝修工程拖延一個月,擔心得晚晚發噩夢!猶幸有驚無險,最後順利開張。門前一張二人小吧枱、門內一張奪目紫床單梳化床,慵懶愜意的空間,和應了她為樂樂以空間換時間的微願。

Signature Chocolate$45
微火溫熱着鮮奶,朱古力豆分開上,自調屬於自己的朱古力濃度。鐵匙飲管二合一,賣相精緻,入口亦濃稠燙熱,必試!

All Day Breakfast$78
徇眾要求下加添的鹹食,分量算輕怡,至愛當中的窩夫,鬆軟蛋味濃。

Caramel Brulee Latte$45
愛吃甜品的 Fiona,以火槍自創焦糖 Latte,濃郁香甜。

朱古力、藍莓及紐約芝士蛋糕$25/件
空運美國 John& Jill's的 Frozen Cake,軟滑 Creamy。

梳化床及書架,構成美麗圖畫。

just COFFEE
地址:上環太平山街 16號地下 B鋪
電話: 2803 0088
營業時間: 11am-6pm(星期一休息)

撰文:吳佩璇
攝影:李日進

tvb4life 發表在 痞客邦 留言(0) 人氣()