Susan指用液態氮急凍雪糕,要注意雪糕底部較易變硬,不時要座水,令溫度均勻。

庶民飯堂 

Ice Pop分子雪糕專門店 地址:銅鑼灣邊寧頓街 9-11號登龍閣地下 B鋪 電話: 3568 9948

齊撐雪糕小店

Ads by Google

銅鑼灣邊寧頓街 Ice Pop分子雪糕店,開張三星期,與佔領運動一同誕生,頭兩星期幾乎冇生意,陰功!但 80後老闆娘兼主廚 Susan就話對運動予以理解,亦無怨恨。「我無站在任何一方,但明白爭取民主自由的行動意義。無論支持或反對的人,都應該無心情食雪糕吧?但做生意就係有起有落。」睇得開,好快谷底反彈。

 

Susan在英國倫敦大學修讀營養學,畢業後在當地報讀藍帶廚藝學院,其後到法國餐廳工作。「餐廳總廚係 BBC嘅推介廚師,可想而知要求極高,簡直係地獄式訓練。我負責做 amuse-bouche,賣相更要講求精緻。」回到香港後,很快便決定與拍檔開甜品雪糕店。「只做甜品成本較易控制,兩星期轉一次款式,給客人更多選擇。普通雪糕融完又雪,會起硬冰粒,而用液態氮來做雪糕,可以即叫即做,又不用將空氣打進雪糕內,口感更實在更幼滑。」 Susan融入營養學知識,每日親自手做雪糕,不會太甜太膩。食材亦非常講究,自家炒咖啡豆,紅豆、黑糖、柚子汁購自日本,牛油麵粉就用法國貨,豆漿豆腐就取貨自本地老店,真材實料又新鮮。呢排人人紮營捱夜,不如食杯雪糕下火兼撐小店啦!

香杧天使$32
糯米糍皮質感軟糯,包住忌廉鮮杧果,餡料多到滿瀉。

海鹽焦糖撻$32
(套餐配咖啡另加$15)
自煮焦糖,再拌入拖肥、海鹽做餡料,少甜帶點鹹味,不覺 heavy。

焦糖粟米雪糕$44
用新鮮粟米刨出粟米粒,連芯一同加奶、忌廉煲滾,撈起芯再打混,味道如特濃忌廉粟米湯。

Affogato海鹽豆腐雪糕配即磨咖啡$48
用老字號豆漿和豆腐,加忌廉、海鹽攪成雪糕,質感軟綿絲滑。拌勻咖啡來吃,入口先來香濃咖啡味,再滲出啖啖豆香。
Ice Pop分子雪糕專門店
地址:銅鑼灣邊寧頓街 9-11號登龍閣地下 B鋪
電話: 3568 9948
營業時間: 11am-11:30pm


撰文:吳韻菁
攝影:勞佩琪

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()