紀女士以務農為樂,但田園間蚊蟲多,叮得她身痕又頭痕,唯有自己不斷找尋驅蚊大法,終發現自製丁香蚊怕水有效驅蚊。

壹知全解

自製蚊怕水

Ads by Google

秋高氣爽,又是行山時節,假日又多親子出動去郊外做一日農夫,防蚊措施又點少得,原來蚊怕水一樣可以自己做,而且用得更安心,且聽聽這位「現代女農」的解說。

在元朗的紀女士,愛好田園生活,去年頂手朋友在元朗大江埔的一塊小田,開始與農友一起耕作。落田少不免有蚊叮蟲咬,紀女士試遍市面上各類滅蚊產品,包括蚊怕水及蚊膏等,發覺效果並不理想,「我試過好多隻牌子嘅蚊怕水,成百幾二百蚊嘅都試過晒,都冇乜用,而且我覺得市面上嘅蚊怕水太多化學嘢,味都唔係太好聞。」
她於是上網找尋防蚊配方,無意中發現原來蚊怕水都可以 DIY,她試了不少配方,推介酒精浸丁香最好,笑言:「呢個係目前為止最有效嘅蚊怕水,起碼真係趕得走啲蚊。」
她續說:「丁香喺賣香料嘅地方可以買到,最靚嘅丁香喺非洲嚟,但比較貴,大概一百八十蚊一磅,另外要用 75%的酒精,基本成分就係呢兩樣。」原來,蚊蟲最怕丁香那種獨特的藥材香味,聞到即飛,可謂一物治一物,而加入酒精,就更能浸出丁香的味道來,故兩者是做蚊怕水的絕配,混合之後呈深褐色。
分量點配搭呢?紀教路:「一般我會用五百毫升嘅酒精,一百克嘅丁香,用個玻璃樽或者唧唧樽仔(她自己就用已用完的化妝品樽,建議最好樽身有顏色,可以遮光,因為紫外線可能會令蚊怕水變壞),放丁香入去,再倒酒精,浸四日,每日都攞出嚟搖勻佢。」
香精油是關鍵

自家製蚊怕水的材料左起有酒精、香精油、丁香( Clove)、天竺葵( Geranium)、檸檬草( Lemon Grass),均是驅蚊妙方。

最後要加少少香精油,紀強調這個步驟十分重要,不可或缺,「如果唔加,啲酒精好快就會揮發晒,加咗啲油會黏住皮膚,效用會長啲。」至於用哪款香精油則豐儉由人:「平貴都有,如果係入門,可以先用 BB油,或者純麻油都可以。」
藥有抗藥性,蚊怕水原來一樣有,漸漸紀女士覺得丁香蚊怕水的效力開始減弱,於是再上網查探,研發出「改良版」,「我會額外加一啲香草,例如檸檬草,即係香茅,亦會加天竺葵,佢都係香草,有人叫佢做驅蚊草,呢啲香草喺花墟、賣盆栽地方都有得賣。基本上蚊係唔鍾意濃烈香草味道嘅。」記者大嘆原來自製蚊怕水都可以咁講究,紀女士就笑說她都是邊做邊學,「起碼知道自己用緊乜,唔會傷害皮膚呀!」不過,有人可能會對丁香或酒精敏感,用後若有敏感反應,就應停用。
避蚊胺惹敏感
市面上所售的蚊怕水有不少含有避蚊胺( DEET),用後有可能會出現副作用,引致皮膚出紅疹、水泡及刺激皮膚或黏膜,而小童更是要慎用,因為有機會出現昏迷及嘔吐等副作用,建議六個月以下的嬰兒不要使用含避蚊胺的蚊怕水。

撰文:林丹霞
攝影:黃雲慶

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()