媽咪姐

忽然 1000期經典重溫之爭產風雲

Ads by Google

《忽周》上期同大家重溫生仔開心事,但有時子女成群,講到錢咪……失感情囉。
好似粵劇名伶新馬司曾走後, 4名仔女同阿媽祥嫂(洪金梅)反面爭身家爭屍。
賭王何鴻燊同二房子女打官司索回股份。
江希文同奶奶莊永楚婆媳不和,唔俾奶奶返大宅。
都係嗰句啦,坐低傾一傾,家和萬事興!

072期( 1996年 12月)


粵劇名伶新馬司曾生前行善積福,但到病重嗰陣,爆出老婆祥嫂懷疑勾佬,將佢嘅 4千萬現金轉走。 4名仔女兆尊、小艾、兆榮、碧玉同阿媽反晒面。
1996年 12月出版嘅 72期《忽周》,長子鄧兆尊就話預咗俾阿媽收拾,已經同弟妹立聯名遺囑,有乜事嘅話,遺產會由兄弟姊妹平分,一蚊都唔益阿媽。
091期( 1997年 4月)
祥嫂同仔女正面交鋒,不惜大爆家事。喺 1997年 4月出版嘅 91期《忽周》,祥嫂暗示胞妹十一姨洪國華年輕時,同老公關係密切,仲話兆尊喺聖誕節前「提出」想送張輪椅俾佢。

祥哥年輕時好威水,唔只得到英國牛津大學頒藝術博士銜頭,又喺 1978年獲英女皇頒 M.B.E.勳銜,表揚佢對社會貢獻。
092期( 1997年 5月)
喺 92期封面,祥哥舉殯,爆發靈堂衝突,祥嫂帶相機到靈堂,打算影老公遺容,最後俾九舅父洪泉發現阻止。 4子女為咗祥哥「入土為安」,願意讓步,連扶靈名單俾祥嫂改動,都冇出聲。
值得慶幸嘅係,祥嫂近年同兆尊、小艾冰釋前嫌,間中仲一家人去飲茶㖭。母慈子孝,最好不過啦!

祥哥過身後,祥嫂不時出入醫院。送祥哥上山後,祥嫂要上車休息,一副就頂唔住嘅表情,但轉頭又精神奕奕四圍騰。

事隔 10年,小艾兩次聯絡祥嫂求和,一家終於破鏡重圓。一家人邊有隔夜仇吖。
809期( 2011年 1月)
賭王何鴻燊喺 09年意外跌傷頭之後,四房人開始對產業分配起爭拗。 809期 2011年 1月嘅《忽周》,獨家披露賭王答應將澳博 7.63%股份(當時市值達 57.6億)聯同清水灣一號大宅送俾四太。二房同三房就游說賭王將澳娛嘅 4.8%股份轉入佢哋旗下嘅公司,平均分俾兩房子女。但喺公布消息第二日,賭王代表律師高國峻同傳媒講轉股件事未得賭王同意,仲打算入稟要求交還轉走嘅股份。之後賭王就穿梭二、三、四房大宅處理呢單嘢,仲做電視訪問㖭!

三太陳婉珍同超雲陪賭王接受訪問,但旁邊有大貓紙俾賭王睇嘅。

依家賭王健康理想,一家人又回復番以往嘅歡樂氣氛, good。
813期( 2011年 2月)


賭王爭產事件搞咗個幾月,以為告一段落之際, 2011年 2月,佢喺入養和休養前,又再入稟告二房,好彩好彩,依家已經雨過天青嘞!
986期( 2014年 6月)


爭產嘅嘢,就算只得一家幾口,一樣可以爭。好似 986期今年 6月 20日出版嘅《忽周》,就講兩年前嫁咗俾全國政協委員兼資深大律師胡漢清做第 3任老婆嘅江希文,同奶奶莊永楚不和,獨霸夫家沙宣道億元大宅。
婚後冇耐,就俾奶奶開記招數臭佢霸家產,唔俾老人家返大屋,奶奶自己要變賣首飾過活。最後要做仔嘅胡漢清出嚟道歉,兼歸還上海物業同 4百萬現金。

    全站熱搜

    tvb4life 發表在 痞客邦 留言(0) 人氣()