日前 Zoey相約一班舊同事 high tea,傾吓闊太經,當中包括左二起陳爽同張韋怡都將為人母。

媽咪姐

岑潔儀享受皇后命

Ads by Google

已過檔港視嘅岑潔儀( Zoey),由等開台到政府宣布唔發牌,終於等到主席王維基日前宣布下月就以 OTT( Over-The-Top)形式,喺 smart phone睇到 HKTV嘅作品。


媽咪姐
Like《忽周》 fb專頁送《天師鬥殭屍》戲飛

好嘢唔怕等, Zoey亦等到同大馬商人老公 Dixon造人成功,仲要一索得男,預產係 1月中, good news吖!依家 Zoey全天候留喺屋企休養,或者約 friend high tea。佢同媽咪姐講:「依家唔做皇后等幾時呀,哈哈哈……聽日我又約咗陳爽下午茶,佢產前最後一 tea,同我傾吓揀學校心得。(老公咪開心死?)佢超開心!嗰日去照,醫生叫佢放鬆啲,佢話呢個 moment好似拎住副身家去澳門賭大細咁,笑死我。」幸福得佢吖!

孕婦嘅着數係可以攞正牌食嘢,但就無得去最愛嘅日本旅行,食日本拉麵就冇相干。

Zoey依家重 127磅,比孕前重咗 13磅,佢手腳亦算纖幼,佗得好正常。不過亮點係佢手持 8萬蚊 Chanel,老公 Dixon真係錫到佢燶。

    全站熱搜

    tvb4life 發表在 痞客邦 留言(0) 人氣()