愁爆扯煙
對比起做小生嗰陣(圓圖),魏駿傑至少脹咗廿磅。咪掛住扯煙,跑吓步減肥啦,你睇下面嘅謝賢幾 fit!

媽咪姐

魏駿傑中年危機

Ads by Google

近年多數返內地拍嘢嘅魏駿傑,最近返香港出席好友關菁嘅葬禮, 46歲嘅佢好感慨咁話:「人生無常,有時喊都喊唔出,眼淚在心裏流!」嗯,查實媽咪姐前排撞到佢,都覺得呢位過氣小生唔只脹咗咁簡單。就算行幾步路,佢都標晒汗,扯煙又扯到愁眉苦臉。

哎,知道你女細老婆嫩,人到中年係壓力大。但放鬆啲啦,你睇你舊愛滕麗名咪愈嚟愈 fit。

魏生喺台灣出世,呢日就去一間賣寶島食品嘅舖頭買家鄉貨。但揀揀吓就出晒汗,要攞條毛巾猛咁抹。

側面睇,一樣圓碌碌,難怪去買嘢都冇人認出佢。

周一( 6日),因心臟病發離世嘅大台甘草藝員關菁舉殯,魏駿傑專誠去靈堂幫手。
《蘋果日報》圖片

    全站熱搜

    tvb4life 發表在 痞客邦 留言(0) 人氣()