有老婆仔女探班,甄子丹開心到不得了,影親相都要攬實一對仔女。

媽咪姐

仔女突擊探班丹爺冧爆

Ads by Google

為人父母,最掛心梗係自己嘅心肝寶貝。早前去咗新西蘭拍《臥虎藏龍 2》嘅甄子丹,同老婆仔女冇見幾個月,當然掛到肺都甩啦!


而佢老婆汪詩詩見對仔女又係成日話想見爹哋,於是索性帶佢哋過去探班。唔使講,丹爺見到寶貝仔女同老婆,梗係開心晒啦!於是特登抽時間一家人去玩,見佢去到邊都笑到見牙唔見眼。所以話,乜都係假,只有屋企人最重要。
阿女操刀


囡囡甄濟如冇見老竇兩個月,一見面即刻黐到實,仲不停幫爹哋影相。果然係前世情人。
即場騷功夫


甄子丹有家人陪足兩個禮拜,日日心情靚到暈,即場跳高擺甫士,叫老婆影相。
恩愛自拍


甄子丹同老婆汪詩詩出晒名恩愛,經常攬實玩自拍, sweet到漏!

    全站熱搜

    tvb4life 發表在 痞客邦 留言(0) 人氣()