Eason同班 friend坐喺茶檔最入面,但都俾眼利嘅媽咪姐發現。不過佢都好快望到媽咪姐,仲舉杯 say hi。

媽咪姐

Eason大坑吹•煲•飲

Ads by Google

一班世姪女成日問媽咪姐,啲天王天后嘅生活係咪好多姿多彩,日日都咁 high㗎?

Well,老土講句,明星咪一樣係人!就講 Eason吖,佢平日最鍾意就係去大坑個茶檔嘆杯奶茶食個麵,你同我都食得起㗎。
早幾日,媽咪姐行開嗰頭,又見到佢同波友黃宇詩,仲有幾個 friend喺度對住大風扇吹水煲煙。 Eason呢日心情唔錯呀,見到媽咪姐有打個招呼,然後就繼續同班 friend坐咗成個鐘。查實,天王天后都唔使餐餐魚翅撈飯嘅,有嘢食有水吹, happy就係咁簡單囉!

喺戶外地方, Eason即刻放心煲煙。臨走仲同老闆講 bye bye,熟客仔嘛。


走嗰陣, Eason揸住電話,似乎唔想回應任何敏感話題。

素顏嘅黃宇詩得閒會同 Eason打羽毛球,呢日成班波友就約埋開餐。

    全站熱搜

    tvb4life 發表在 痞客邦 留言(0) 人氣()