靚抽王

Cap圖龍虎榜

Ads by Google

平日一打開 facebook同 WhatsApp,可謂 cap圖滿天飛, cap圖已經成為我哋生活嘅一部分。今期至新至 hit嘅 cap圖係乜?睇 cap圖龍虎榜啦!!

香港,勝在有高登巴打


喺呢個風雨飄搖嘅大時代,正當所有香港人都感到非常失落同迷惑之際,好彩!仲有高登巴打!喺佔領活動進行得如火如荼嗰幾日,巴打們不斷為大家發布新消息,仲幫手起底踢爆唔少疑似造假個案,當中包括有:輔警「示威者」同警察握手宣布撤退、政總保安係臨時演員等等。另外,「高登起底組」嘅臉書專頁,聲言邊個搞亂檔,起底組有能力令佢一世抬唔起頭做人。唔知道仲以為係蝙蝠俠寫嘅,真係有型到震呀巴打!
使徒行者大預言家
神聖嘅網民喺《使徒行者》裏面 cap咗好多有意思嘅圖,同呢排發生緊嘅事有密切嘅關係。我哋唔多作解釋喇,反正聰明的你會懂的。有人話大台嘅編劇有預知能力,計我話,佢哋同警隊同氣連枝就真。

 

講嘢唔用腦,因住現眼報
周大福女公關 Joanna Kot就有女生喺示威區被非禮事件,竟發表膠爆言論,聲稱係「和平非禮」。呢啲冇常識冇良知嘅言論,同上星期嗰個自稱係「現代教育」老師嘅 Carol Chan嘅「坦克殺學生論」互相「輝映」。我哋唔係好明,點解作為一個公關會發生一個咁嘅公關災難?點都好,據稱佢已經被迫離職,所以話「講嘢唔用腦,因住現眼報」就係咁解。

自稱喺周大福做到 Deputy Head嘅 Joanna Kot,喺 fb post相 post文叫被非禮學生唔好報警,話係「和平」嘅非禮。事後,有網民話佢已經「被離職」,天在看呀。


撰文:娛文樂

    全站熱搜

    tvb4life 發表在 痞客邦 留言(0) 人氣()