靚抽王

臉書「 Unfriend症候群」

Ads by Google

靚抽王
臉書「 Unfriend症候群」
佔領行動發生後,短短幾日香港就跌到成地花生,啲劇情由港劇演化成煽情嘅韓劇,再由韓劇演化成大場面特多嘅美劇。警察同示威者固然勢成水火,臉書上好多人都聲言會因為某啲見解而 Unfriend朋友,每個人都中咗臉書「 Unfriend症候群」而不自知。今次就等我哋解構一下呢個病有幾麻煩:

 


症狀一:絲帶的錯


本來班學生以黃絲帶代表支持罷課同佔領活動,冇乜出奇,但係忽然間又多一班友東施效顰,用藍絲帶表示支持警察,分明打對台,加深矛盾;最後發展黃溝藍絲帶、綠絲帶,成個臉書都以絲帶去區分敵我。有網友最終製作呢個「我支持宇宙」絲帶圖,展現和平理性非暴力嘅極致。係囉,愛晒成個宇宙一定唔會得罪人囉。
症狀二:歌曲之戰
由林夕作曲,何韻詩、黃耀明等熱心藝人主唱嘅〈撐起雨傘〉,力敵李支煙同一眾無名村民有份拍 MV嘅〈香港生命〉。結果係兩首歌都只係得黃絲帶陣營些牙,點解?些牙〈撐起雨傘〉當然係真心覺得好聽;而另一首,應該係……因為好笑。

症狀三:大辯論家的 Facebook Status


事件發生後,每個人都好似蘇格拉底上身咁,一日就發表一大段文理不通、充滿情緒嘅廢 up偉論。而到咗成段廢 up嘅盡頭,好多人都會喺尾段加番句「唔鍾意可以 Unfriend我」。係,無論佢哋成段嘢係幾咁冇 point,加番呢句都可以賺番幾分霸氣,反正你講乜,都有某種絲帶嘅人支持。 Yeah!
結論+治療方法:
只有 689先可以
解決到(我係指:只要佢唔喺度……)
狂熱治療
每期為你分析香港人嘅狂熱症狀,並提供可能嘅治療方法。

撰文:娛文樂

    全站熱搜

    tvb4life 發表在 痞客邦 留言(0) 人氣()