比鬼片更鬼,比黑夜更黑

Ads by Google

靚抽王
新警察故事之以和為貴
自編自導自演:
禿鷹雄、 689、賊(警?)、警(賊?)

劇情簡介:
剛剛做完套將卧底橋玩到爛晒嘅《使徒行者》,相信大家對《無間道》式嘅卧底戲已經感到相當厭倦。不過唔緊要,禿鷹雄同 689兩大戲劇大師為大家搞搞新意思,警察唔再需要扮賊,賊亦唔需要再扮警察,佢哋嘅對立已成過去,因為佢哋決定嚟一次 crossover!

重頭戲一:原告變被告
黑社會有心鬧事,有人被人打爆頭,被拉者竟然就係爆頭者。呢個已經唔係警匪片,似係科幻片甚至係鬼片,邊得有咁鬼㗎?

重頭戲二:拍拍膊頭放賊走
黑社會到場搞事,搞完一輪,警察喺壓力下拉人,拉完送去搭的士。另一邊廂有社運領袖黃小朋友,身無四両肉,喺幾個壯丁刑警挾逼下被控襲警。被捕後要入家宅搜證,扣留佢部電腦。喺條街襲警,關屋企部電腦咩事?果然玄之又玄,引人入勝。
好唔好睇:有創意,不過太冇人性,應被列為三級片,不適宜佔領運動嘅學生觀看。
評分:★★★★★
復仇者聯盟之天王起義


主演:
大飛哥、阿澤、何詩詩、一代宗師、華 Dee、 Mark哥

劇情簡介:佔領行動愈搞愈大,好多唔太出聲嘅藝人紛紛加入戰圈,力撐學生。事件令平時唔出聲嘅一代宗師都出聲,最終與阿澤、何詩詩、華 Dee、 Mark哥、大飛哥等人組成「復仇者聯盟」,伸張正義。


重頭戲一:英雄崛起
一個星期內,各路英雄相繼出招,先有 Mark哥直擊中路,一句「政府成日叫市民袋住先,咁點解唔可以叫政府掉番轉頭袋住先?」秒殺「袋住先」廢論;再有華 Dee祝願學生安全,聲討「催淚彈」;最後連鍾意以眼神講嘢多過用把口講嘢嘅一代宗師都出埋聲,叫政府要真誠聆聽民意,證明娛圈之中必有性情中人。


重頭戲二:化敵為友
同大飛哥唔太妥嘅阿澤,日前竟然喺臉書度 share大飛哥嘅言論,全因大飛哥喺臉書不斷寸爆政府官員,仲以佢喺電影入面嘅身份嚟發言,好似《古惑仔》系列入面嘅大飛、《無間道》入面嘅黃 Sir、《春田花花幼稚園》入面嘅校長等,非常抵死,就算「唔鍾意政治」,都會睇得開心。
好唔好睇:群星拱照,好難唔好睇,家吓一地花生殼,又好有興趣睇吓有冇人會轉軚。
評分:★★★★★
假戲真做
每期以新戲速遞嘅形式,為你推介一齣齣香港上演嘅重頭悲喜劇。

撰文:娛文樂

    全站熱搜

    tvb4life 發表在 痞客邦 留言(0) 人氣()