李光洙同池石鎮唱〈 Trouble Maker〉,搞笑之外,仲跟足原唱嘅舞步。不過,李光洙露毛,好飽囉!

Ads by Google

韓氣逼人
RM襲港 襟撈光洙贏晒!
熱爆亞洲嘅韓國綜藝節目《 Running Man》,成員宋智孝、金鐘國、李光洙、池石鎮同 HAHA,上周六( 4日)嚟咗香港開見面會, 5千人塞爆亞洲博覽館!不過最搶鏡嘅,梗係背叛者李光洙啦。日前佢喺《 2014南韓電視節》攞咗個劇集「男子優秀獎」,心情本來就靚爆,嚟到見到班 fans戴面具、着長頸鹿衫(佢花名係長頸鹿)扮佢咁有心,就特別喺見面會上爆肚、唱歌走音、着埋女裝扮泫雅。咁古靈精怪,抵佢受歡迎喎!

光洙妖爆
〈 Trouble Maker〉原唱者泫雅同 BEAST嘅張賢勝睇到李光洙呢身造型,唔知會唔會暈低。


有長頸鹿稱號嘅李光洙,見到唔少 fans扮佢,開心到喺簽名會任攬同合照。就算大會阻止,佢都搵經理人示意,唔好擋佢啲 fans。
HAHA夠放


HAHA同女 fans玩遊戲食百力滋,懶理人哋男友企喺隔籬,食到只隔 1厘米,差少少咀到。其他成員仲好幫得手,㩒實人哋男友(紅圈),唔好「騷擾」佢哋。
大叔詐型


池石鎮平時喺節目俾人冷落得多,睇吓佢喺台上玩遊戲幾投入,就算輸咗要俾人圍揼,個樣 keep住笑。難得做番一次焦點,正如佢成日話希望啲拍檔多啲讓佢,贏多幾次,等佢覺得仲係生存緊。
智孝傻咗
宋智孝今次嚟到香港心情勁好,要佢做 50下 sit up都冇詐型。之後成班人去蘭桂坊嘅夜店 Volar慶功,飲到醉晒,智孝 BB一頭亂髮出嚟,仲笑緊㗎!比起以前嚟香港,俾咁多人圍住,早就黑面啦!

《蘋果日報》圖片
鐘國賣肉


能力者金鐘國空有一身肌肉,包到咁密實,全晚未試過谷胸。最後要 RM成員幫手,捉實佢扯高件衫騷肌。呢一下,不經意得嚟,又唔 over,睇吓佢個樣幾 enjoy。
RM轉型收視狂升
喺韓國做咗 4年嘅《 Running Man》,收視受嘉賓名氣影響而升跌好大,其中喺 2012年收視曾經高達 23.4%,綜藝節目嚟講,表現極好。今年 SBS電視台仲將版權賣咗俾浙江衞視,開拍中國版,勁!

最初嘅 RM未有宋智孝,而係由宋仲基(紅圈)做成員,當時同嘉賓李孝利(箭嘴)及黃靜音(箭嘴)做任務,如果輸咗,第二日要去人流極多嘅地方為大眾服務。

睇吓能力者金鐘國(右) 4年前嘅手臂,都唔講得笑。

2012年金秀賢以個人戰姿態挑戰 RM主持,最後仲勝出,贏咗隻金龜。佢仲幫手做幕後工作,好 nice。

依家紅爆嘅金秀賢,上年 5月為宣傳電影《 3個特攻美少年》,又上 RM同李光洙(左)、劉在石(右)組隊玩遊戲。

《 Running Man》嘅足跡踏遍亞洲,當然唔少得我哋香港啦,香港國際機場都做過遊戲場地㗎!

撰文:張韋弘 
攝影:攝影組

    全站熱搜

    tvb4life 發表在 痞客邦 留言(0) 人氣()