名人潮

撐起跳傘裝

Ads by Google

Jumpsuit(連身褲)起源於跳傘員制服,其後逐漸演變成時裝界的服飾。
一直被喻為是懶人恩物的連身裝,最近亦受靚太們追捧,個個撐住出動。不過一件頭設計出名難搞,女士們冇九頭身長腿,切記揀啱 cutting,唔係分分鐘身長腳短變啤梨。

劉嘉玲 貴氣經典 VALENTINO
Ricky評︰「黑白撞色 jumpsuit夠經典,髮型同個妝簡潔突出,令佢散發女人味之餘亦帶出高貴感覺。上身嘅 cutout設計,將佢骨肉勻稱嘅身形表露無遺。」
周汶錡 健康性感 ELLERY


Ricky評︰「白色露膊款同佢蜜糖膚色好 match,襯埋簡潔髮型,健康得嚟又性感。佢襯咗 strappy高踭鞋,有型又不失女人味。」
胡蓓蔚  sharp醒誘人購自 ASOS


Ricky評︰「全黑貼身 cutting將佢嬌小身形變得修長, deep V款特別養眼。長直金髮、紅色尖頭高踭鞋,感覺 young唔少,如果加番條 belt,身形比例會更好。」
羅霖 清新突出 PINKO
Ricky評︰「透視款性感突出,深藍底粉紅花令膚色更雪白。闊腳設計感覺女人味,加上束髮打扮,由頭到腳都好 sharp。」

謝安琪 身長腳短 SELF-PORTRAIT


Ricky評︰「佢身形唔算高,呢件單膊款令佢腰線拉長,顯得雙腳短咗,身形比例好古怪。一大把長髮襯大頸鏈,再撞黑手套、手鐲,感覺太多嘢,冇焦點。」
黃佩霞 打底出事 BCBG
Ricky評︰「闊身 jumpsuit唔係人人 carry得到,佢嘅模特兒身形毫無難度。紅腰帶嘅 tone on tone襯法好聰明。原本露背設計好靚,不過粉紅花花打底就大煞風景。」

薛芷倫 型格潮味 VINTAGE


Ricky評︰「鮮艷嘅貼身 jumpsuit突出佢成個 S身材,黑色幼 belt突顯腰線。佢襯埋金色手鐲及手袋,撞出型格味道。」
Ricky教路
*闊身款容易顯得肥,一定要加腰帶突出腰線。
*東方人身形嬌小,較難 carry,要襯高踭鞋令身形比例更修長。
*若雙腳太短,可選擇腰線高款式,有拉長作用。
*黑色 jumpsuit最穩陣,可加唔同顏色配飾,切忌太花 pattern變花師奶。

Stella McCartney

Atelier Versace
PROFILE


星級形象指導郭慶彬( Ricky Kwok),定期被邀到巴黎時裝周欣賞大牌 fashion show,近年他更於銅鑼灣開設時裝店。

撰文:蔡靜雯 
攝影:葉兆康、陳志輝

    全站熱搜

    tvb4life 發表在 痞客邦 留言(0) 人氣()