一寶品種:大白熊犬年齡: 1歲性別:男 

Petbook

大爺一寶 大白熊犬

Ads by Google

養寵物就如拍拖,最緊要啱 feel。 2年前, Vanessa想養狗狗陪伴自己,先後看過 50隻狗,但沒有一隻吸引到她,只有大白熊犬一寶例外。
即使一寶後腿有問題,她依然不離不棄,除每天為牠按摩外,更會帶牠到泳池游水,希望令牠病情好轉。
一寶得到主人愛錫,在家猶如大老爺一樣,等候 Vanessa服待,係咪勁先!

 

即使踏入秋季,但日間氣溫仍超過攝氏 30度,為了幫全身披長毛的一寶消暑,採訪當日, Vanessa帶一寶到寵物游泳池游水,「通常大白熊都唔鍾意游水,得一寶咁反常,每次仲要游成個鐘先滿足。」
約 2年前, Vanessa在英國讀完書回港後,便一直心思思想養狗,「我由細到大都鍾意狗,直到𠵱家出嚟做嘢,有經濟能力,就想搵養番隻。喺 1年內,我前後睇過 50隻狗,當中包括待領養及私人繁殖,但冇一隻啱心水。」

細佬重逢

直到 1年前, Vanessa在寵物店看到大白熊犬 BB一寶,便被牠深深吸引,「第一眼見到一寶,好有親切感!感覺好似同親生細佬重逢。結果唔使 1個鐘,我就決定用$17,000,買佢返屋企。」
約 1個月後, Vanessa發現一寶的後腿出現問題,行路冇力,便立刻帶牠看獸醫,「經診斷後,獸醫話佢後腿關節天生有少少移位,要做手術將佢移番正,但做手術有風險,會令到啲關節磨損,我唔想一寶冒險,最後獸醫提議我帶佢做多啲運動及幫佢按摩,強化番關節肌肉。」


現時一寶重約 130磅,直立身高 170cm,金毛尋回犬走在牠身旁,即變成玩具犬。 

每晚放工回家, Vanessa都會為愛犬按摩。 

游水改善

半年後,一寶的後腳已有明顯改善,「我每日都會幫佢按摩 15分鐘及帶佢落街散步,而且每星期都會帶佢去游水,𠵱家佢後腳已經好咗好多,唔會行行吓腳軟,就連上斜路及樓梯都冇問題。」
Vanessa指一寶在家中像個大爺,不時發脾氣,叫她哭笑不得,「佢好鍾意咬爛晒我啲高踭鞋,因為佢知道我每次着高踭鞋係去返工,而唔係帶佢出去玩。此外,佢從來唔食狗零食,要餵佢食人類嘅食物,一旦唔畀,佢就會發脾氣吠人。佢覺得自己係人,多過係狗,真係又激氣又好笑。」


一寶很喜歡游泳,採訪當日,牠在池中暢泳了超過 1小時,依然沒有疲態。 

當要上高台時, Vanessa都會扶起一寶,以免牠的後腿負荷太大。 

每次幫一寶洗澡, Vanessa必需連同工人一起才搞得掂,非常大工程。 

每次洗完澡,需要把毛吹乾時,一寶都會擺出一副大爺般的表情,十分搞笑。 

撰文>何倬然
攝影>彭自維

文章標籤

全站熱搜

tvb4life 發表在 痞客邦 留言(0) 人氣()