Slider的鞋和手套裝有鐵片,表演時與地面高速磨擦,產生絢麗的火花。 

Jobs Live

滑出驚嚇火花

Ads by Google

每年哈囉喂,都有不少人去主題公園感受氣氛。除鬼屋及嚇人嘩鬼外,海洋公園更有 slider的演出,不斷在地上作出高速滑動,為途人帶來神出鬼沒的驚嚇外,還帶有炫目的火花效果。 Ling已擔任了 6年 slider,她說工作要做出高難度嚇人動作,被嚇者反而會露出笑容,令她感到十分開心!

 

今年海洋公園哈囉喂準備了過千名演員,要令大家嚇餐飽,當中有 9位 slider兼演員,在高速移動的「鬼怪」園內表演。當中唯一的女成員 Ling表示︰「 slider主要利用高速移動,喺途人前急停,製造出奇不意嘅驚嚇效果,之後我哋發現身上嘅裝備同地面磨擦會有火花,於是再調整動作,令出嚟嘅效果更加具表演性。」 Slider的裝備上會有一些鐵片,與地面磨擦便會產生火花。


海洋公園只有 9位 slider, Ling(前排中)表示大家的感情十分好。 

本為健身教練,每年哈囉喂,她也會回公園做表演者。 

被嚇會笑

今年 29歲的 Ling,本是全職健身教練,每年都會在哈囉喂期間抽空擔任 slider,她認為這是一份開心的工作,「望落好似好危險,所以我哋喺表演時反而會好留心,最多係落地裝備綁得唔夠實移咗位,令到手肘及膝頭擦傷,唔會有大意外。每年只喺 halloween期間有得做 slider,覺得可以同客人互動,冇乜工作會嚇完人,人哋仲會笑!我哋人數比較少,同事之間好 close,每次返嚟都好開心。」
06年, Ling已到海洋公園做兼職嘩鬼演員,讓她認識到 slider,「當時讀緊書,見海洋公園會喺 halloween期間,請人喺鬼屋扮鬼,覺得份工好得意,就走去應徵。做落先知公園有 slider表演者,覺得好新鮮及有挑戰性,好想去接觸,但唔係話想試就試到。」


出動前, Ling會做足熱身,減少受傷機會。 

每位 slider的裝備有保護手套、護膝及工人鞋,出 show前會檢查穿戴,做足安全措施。 

等待機會

一直在等待機會的 Ling,在 09年如願成為 slider一員,「第三年去做 halloween演員,見有特技表演嘅 casting,立即走去試,主要考靈活性及體能,自己都好動,鍾意玩 rugby及跑步,我仲係讀運動管理,最後成功過關。」
作為 slider,十分注重自身及客人的安全,每次表演前要做足訓練,「成功入選後,要接受 3個星期訓練,教你滑動技巧、安全措施等。每次 slide前,都要視察環境,好似地面有冇障礙物,人流多唔多等。每年出 show前,都會有約 1個月嘅訓練期,令我哋 pick up個狀態。」每年 Halloween期間會為 Ling帶來約$13,000的收入。


撰文:曾志恒
攝影:傅新發

    全站熱搜

    tvb4life 發表在 痞客邦 留言(0) 人氣()