A1頭條

今秋必讀,大閘蟹攻略

Ads by Google

今年適逢大閘蟹豐收,又遇上大陸打貪,以往用來送禮的靚蟹滯銷,益了一眾香港大閘蟹迷。大批大隻爆膏大閘蟹到港,價格比往年平近兩成,現在不吃還待何時?

蟹公蟹乸各有妙處

「九月圓臍十月尖,持螯飲酒菊花天」,蟹迷人人懂背誦,但你又知不知為何農曆九月吃蟹乸,農曆十月吃蟹公?其實這兩個月份是大閘蟹交配時期,雌雄蟹都會分泌大量蟹黃/膏作為繁殖後代的養分,所以蟹黃/膏特別豐富。九月先吃蟹乸,因蟹乸較蟹公早熟,農曆九月蟹乸已經多軟身蟹黃,到農曆十月蟹黃變硬就失去滋味;農曆十月蟹公生長成熟,蟹膏外更有行內稱為「白油/白膏」(即蟹的精子),蟹膏與「白油」混和同吃,黏口味香濃。

四大情報


九月底的大閘蟹已很優質,隨便拆開一隻都蟹膏飽滿。 

1.近十年吃大閘蟹的最好時機
今年江蘇一帶天氣穩 z定,沒出現突然降雪及暴雨,氣溫該暖則暖,應冷則冷,水溫介乎 8℃-10℃,是大閘蟹最佳的生長條件,脫殼次數達最佳 7次以上,發育完美,膏多肉實。所以未到農曆九月,市面已湧現 6両大閘蟹,重陽過後還有大批 8-9両的重量級大蟹登場。

2.價錢不加反減
通脹驚人,偏偏今年大閘蟹價錢下降。事關大閘蟹大造,質量同佳,造就今年蟹價比往年平近一成半至兩成。以 5-6両中蟹為例,去年平均$100-$120/隻,今年售$60-$80/隻,平均便宜$20-$40/隻。
此外,十月中上市的 7-9両大蟹,亦因內地打貪,送禮需求下降,估計價錢會比往年平。

 

3.吃 5-6両最精明
以往受大陸送禮文化影響,來港 6両以上大閘蟹數量不多,價格自然較貴。但今年大陸內銷以自家食用為主, 3-4両細蟹銷情緊張,來港數目不多,價格變化不大。相反 5-6両蟹較少內地人吃,減價最多,肉多膏飽滿,又比大蟹便宜,故今年吃中蟹會比吃細蟹更抵。

4.首選陽澄湖、太湖蟹
往年陽澄湖、太湖蟹不時因水質問題影響客人購買意欲,令標榜野生、乾淨的歐洲大閘蟹成功上位。
不過今年以上兩湖的蟹大豐收,質素高價錢平,佔了大優勢。反觀歐洲蟹,產量不穩定,運費成本高昂,今年價格比大陸蟹為高,以 3両細蟹為例,陽澄湖/太湖約$30-40/隻,歐洲蟹$50-$65/隻。識揀,一定揀前者。


專售大閘蟹的店子,皆有一張由江蘇政府、香港食環署發出的證書,以證食用安全。 


今年的大閘蟹比往年同期的大隻,現時已有許多七両蟹上市。 

原箱蟹設防偽標籤以之識別。 

行家論行情

成隆行 蔡生:「國內消費以細蟹為主,大蟹都外銷到香港。大湖 9月 20日開湖,第一批蟹已經質素高,價錢同上年比較,平均降價一成半。」

 

申聯 朱老闆:「今年大陸蟹券賣不出,令香港市面蟹價平近兩成。重陽節過後,蟹會再降價,還有多膏大蟹來港。」

 

江記 陳生:「細蟹比往年平一成,大蟹就平兩成,十月中後蟹會更靚,有望十両以上多白油的公蟹,所以今年食大蟹比細蟹抵。」

 

永富 輝哥:「今年細蟹貨少,大蟹來港量反而多,食 5-6両蟹最抵。如果買籮裝,最好等到十月中後,因為蟹生長已穩定,肉與膏都多,一籮蟹九成都靚,季初食質素反而會參差。」

 

要買得精明,自然要找口碑店鋪,以下幾間正是蟹癡推介。註:價格截至 9月 29日。

尖沙咀 申聯

40多年老字號,位置隱蔽但多名人及上海人光顧。朱老闆年年直接向蟹農入貨,蟹足秤爆膏。蟹以陽澄湖為主,另有太湖和長蕩湖等江蘇蟹。有售自家製蟹粉,在深圳有專人鮮拆蟹粉,很足料,買回家煮蟹粉一流。

陽澄湖蟹價錢
8両以上未定價
6-7両半$340-$380/斤
5両半$260-$280/斤
4両半-5両$50-$60/隻
4両$100/3隻
送貨:惠顧一籮或以上可安排送貨,需致電查詢及安排。
奉送:紫蘇、薑、糖、蟹醋

地址:尖沙咀柯士甸路 15號 B地下/電話: 2368 0520/營業時間: 8am-9pm


店面陳設簡單沒花巧,一貫老店作風。 

自家製蟹粉$420/600g 

尖沙咀 江記

主力賣太湖蟹,另有陽澄湖蟹,不少五星級酒店都找他入貨,水準有保證,店鋪地點亦最方便。蟹以外,還有自家鮮拆蟹粉、蟹粉小籠包、蟹粉鍋貼、蟹粉生煎包等食品售賣。

太湖蟹價錢
7-8両$320-$360/隻
6両$120-$140/隻
5両$80-$90/隻
3-4両$30-50/隻
送貨:惠顧半籮以上免費送貨,需一天前預訂。
奉送:紫蘇、薑、糖、蟹醋。

地址:尖沙咀加連威老道 50A地下/電話: 2369 9669/營業時間: 9:30am-3:30am



自家在鋪內鮮拆蟹粉。 

九龍城 永富

永富水果出名靚,大閘蟹水準亦高,主售太湖蟹,另有陽澄湖及荷蘭蟹。老闆輝哥與太湖及陽澄湖蟹農合作蟹苗養殖多年,推出自家品牌輝煌蟹,隻隻達 9両。此外有多款花雕、日本燒酎供選購作佐蟹。

太湖蟹價錢
7.2両-8両$ 650-700/斤
6.6両-7.1両$230隻
6両-6.5両$170/隻
5.4両-5.9両$130/隻
4.6両-4.8両$65/隻
3両-3.4両$55/隻
送貨:惠顧$2000以上免費送貨。
奉送:紫蘇、薑、糖、蟹醋。半籮(24-29隻)或以上送蟹籤及大力剪。

地址:九龍城侯王道 47號地下/電話: 2718 2688/營業時間: 8am-12:30am



自家品牌輝煌蟹 

上環 成隆行

八十年代初中國政府指定在香港經銷大閘蟹的三大公司之一,具江湖地位。於太湖自設養殖場,蟹達 AAA級別,更於店內設水缸養 AA級 5両以上大閘蟹,據稱可讓蟹可以進行吐沙過程,保持肉質乾淨清甜。

太湖蟹價錢
7両以上未定價
6両$130/隻
5両$95/隻
4両$65/隻
3両$35/隻
送貨:惠顧半籮或以上免費送貨。
奉送:紫蘇、薑、糖、蟹醋。

地址:上環永樂街 120號地下/電話: 2543 8735/營業時間: 9am-9pm



設有水缸養大閘蟹。 

大閘蟹餐推薦

#1.學拆蟹嘗蟹菜
平日主打 cooking class的 Donna Dolce首次推出大閘蟹套餐加 cooking class。眾人圍在 opening kitchen,一邊看着有 40年上海菜經驗的高師傅示範烹煮毛豆年糕炒大閘蟹、蟹腳炒蘆筍等菜式,一邊享用菜式和大閘蟹,即煮即吃,新鮮熱辣。高師傅風趣幽默,邊煮邊教大家拆蟹粉和調校蟹醋秘技,氣氛輕鬆。

菜單:
涼拌雙脆(青瓜、蓮藕)
清蒸大閘蟹(每人一隻)*
鹹肉豆腐雲吞湯
蟹粉豆腐
毛豆年糕炒大閘蟹(每人一隻)*
大少爺蟹腳炒露筍仔
薑茶湯丸


蟹粉豆腐 

毛豆年糕炒大閘蟹 

師傅會教客人調校蟹醋。 

蟹腳炒露筍仔 

Donna Dolce品味蟹宴

日期/10月 25日及 11月 8日/時間: 6:45 p.m.-10:00 p.m./費用:$850/位,每次只限 12位。/地點:觀塘駿業里 6號富利工業大廈 8B
電話: 2151 0609/報名電郵: mailto:info@moltodolce.com.hk

 

#2.50分鐘任吃大閘蟹
去年熱爆的歐洲野生大閘蟹,今年氣勢雖有回落,但專營歐洲野生大閘蟹的鮮薈,在其新開業的鮮薈海鮮吧中售賣大閘蟹外,首次在下午推出$180任食 3両歐洲大閘蟹,每節限時 50分鐘,以坊間$50/隻歐洲大閘蟹計算,平均每人吃 4隻已回本。
店內所見,平均每位食客都可吃到 6-7隻。最重要是蟹雖細,但蟹膏飽滿。不過任食只限蟹,沒其他食物供應。


3両蟹看似細小,拆開蟹蓋依然爆膏。 

每次只限柯打一隻,食完再點。 

鮮薈海鮮吧

供應時間: 12nn-5pm,每節限時 50分鐘。
費用: 180/位,加$10可任飲薑茶。/地址:上環永樂街 127號地下/電話: 3106 3161
註:只接受即日預訂,每時段只接十桌預訂。

 

#3.藝術伴嘗 7両蟹
想吃得豪華?充滿濃厚藝術氛圍、走高檔中菜路線的都爹利會館,推出「七道菜大閘蟹宴」,包括一隻 7-8両江蘇大閘蟹,以 4頭大虎蝦做成蟹粉水晶蝦球皇,足 1両半官燕做芙蓉蟹粉官燕盞,約 2両生拆蟹粉撈上海幼麵等,蟹粉量絕對能滿足蟹迷。菜式亦有驚喜,一道用上紐西蘭羊鞍炮製的香葱頭抽煎羊鞍,為傳統蟹菜加一點點西方味道。

菜單:
蟹粉水晶蝦球皇
芙蓉蟹粉官燕盞
清蒸大閘蟹
香葱頭抽煎羊鞍
上湯雲腿津白
生拆蟹粉撈麵
薑茶湯丸
美點薈萃


蟹粉水晶蝦球皇 

生拆蟹粉撈麵 

都爹利會館

供應日期: 10月 13日至 11月 23日
費用:$1,680/位(兩位起)
地址:中環都爹利街一號上海灘三樓及四樓
電話: 2525 9191

 


套餐共 6道菜,包括一隻 5両太湖蟹。 

#4.抗通脹傳統蟹餐
上海菜館滬江,字號老、水準穩定、大閘蟹套餐價錢合理,是很多蟹迷必到之地。今年價格更跟往年一樣$428/位,絕對抗通脹。菜式不花巧,一隻 5両清蒸大閘蟹、蟹粉魚翅、蟹粉籠仔粢飯、蟹粉小籠湯包。真材實料,蟹粉即日鮮拆鮮炒,每道菜式均有 1両蟹粉,吃罷再喝熬煮了 8小時的薑茶,非常滿足。

菜單:
清蒸大閘蟹 1隻( 5両)
蟹粉魚翅
蟹粉籠仔粢飯、蟹粉小籠湯包
清炒豆苗
薑茶湯丸

滬江飯店

供應時間/即日起至另行通知
費用:$428/位/地址:銅鑼灣波斯富街 99號利舞臺廣場 17樓 B鋪/電話: 2506 1018

比拼網購大閘蟹

網購大行其道,網購大閘蟹更是年輕人近年最愛選購方式,貪其交收地點方便,還可以少量訂購,夠彈性。
我們以客人身份向四家網購店購入( 4両)大閘蟹,看看哪家最出色。

評份準則

訂購方式:要有彈性,可挑選両數、蟹數及公乸。
配件:包裝具冷凍保鮮功能。另齊備紫蘇、糖、醋、蟹鉗。
送貨:交收地點方便,訂購少量亦能送貨。
質素:一定要鮮活。膏量多,呈金黃色,香滑黏牙肉要鮮甜實淨,有清香蟹味。

#1.順豐

繼宅配台灣手信後,提供大閘蟹宅配服務,從太湖及荷蘭產地直送大閘蟹到香港。網上訂購,可線上信用卡或銀行入賬付款。免費送上門。
訂購方式:限定 6隻或 12隻 3両至 3両半大閘蟹,不能挑選公乸及両數,彈性較細。(×)
配件:以紙箱盛載,附紫蘇、糖、蟹醋、蟹剪;內附以凍結成冰的水樽作保溫。(√)
送貨:訂購後有電郵確認柯打,指約 3至 5個工作天內送貨,但沒提供確實送貨日期,只在送貨前 20-60分鐘由派送員通知,難以預計收貨時間。(×)
味道:蟹偏細,而且有大半已奄奄一息!餘下的,蟹膏多而且金黃,香味一般,肉質鮮甜但偏腍。(×)
網址: http://sfstore.sf-express.com/eshop/order.aspx 
價錢: 6隻裝$228、 12隻裝$398(太湖蟹)






#2.泓泰極品大閘蟹

新開業的網上新店,老闆曾在飲食雜誌任職攝影記者,認識江蘇大閘蟹商,有門路購入太湖大閘蟹及陽澄湖大閘蟹。消費滿$1,500可送貨,少量訂購則在尖沙咀交收。
訂購方式:可在 face book網頁留訊息或直接 whatsapp訂購。設籮裝及散買,由 4両至 7両蟹不等,可自選蟹數、両數及公乸,有彈性。(√)
配件:以印有自家店名的膠袋盛載,內附 150ml蟹醋、磚狀黑糖薑及紫蘇。惟沒有保冷設備。(×)
送貨:少量購買,只限在尖沙咀港鐵站或大型商場取貨,不夠方便。(×)
味道:足 4両。乸的蟹黃甘香,肉結實;公爆膏,膏夠滑而黏牙,但肉質較腍身。(√)
網址: https://www.facebook.com/wangtaihairycrab ( 9611 3393)
價錢: 4.5両(公)$60/隻 4両(乸)$46,以當日查詢為準






#3.大閘蟹專門店

曾是北角區 30年賣蟹老字號, 7年前轉為網上經營, facebook粉絲數量最多,送貨地點多。把購買的蟹數、両數及公乸等資料,發送至電郵或 Whatsapp即可訂購。
訂購方式:可少量訂購,亦有籮裝蟹售賣,選擇多。(√)
配件:以紙手抽盛載,大閘蟹以白膠袋載着,亦沒保冷,感覺簡陋。附送紫蘇、糖、薑茶、蟹醋。(×)
送貨:滿$300可在港鐵沿線任何一個站交收,夠彈性及方便,更可以即日購買。購買籮裝則可送貨。(√)
味道:足 4両。乸的蟹黃多而結實,味道帶鹹蛋黃香,肉結實。公的蟹膏及肉都太實。蟹質素不穩定,訂購四隻蟹中,有一隻蟹乸的黃呈奇怪綠色。(×)
網址: https://www.facebook.com/hairycrab ( 6622 5224)
價錢: 4両半(公)$92, 4両(乸)$92,價錢以當日查詢為準。






#4.大閘蟹海鮮達人

另一網上新店,提供江蘇蟹及陽澄湖大閘蟹。可在 facebook或 instragm留訊息、發郵件至電郵或直接 whatsapp訂購,以銀行入賬方式付款。
訂購方式:蟹數、両數及公乸等皆可自選。(√)
配件:附送蟹剪套裝、蟹醋、紫蘇;以保溫袋盛載,內以濕毛巾及乾冰為大閘蟹保鮮,保鮮配置最齊備。(√)
送貨:買滿$500免費送貨,很方便。(√)
味道:蟹公標明為陽澄湖蟹,足 4両。蟹身乾淨潔白。膏富油香亦多白油,肉滑呈一絲絲,味清甜。蟹乸沒標明產地,綁上的繩極粗,蟹偏細,質素參差,黃帶苦,肉鬆散沒蟹鮮味。(×)
網址: https://www.facebook.com/wankeecrab ( 6358 8035)
價錢:暫時只供應 4両蟹,$80/隻,公乸同價。







撰文:劉明慧
攝影:陳榮輝、葉天榮、陳秉謙、關永權、黃健峰

    全站熱搜

    tvb4life 發表在 痞客邦 留言(0) 人氣()