靚抽王

2014人有相似大典

Ads by Google

第一位:陳奕迅勇奪仁川亞運會舉重冠軍
代表中華台北嘅陳奕迅,奪得仁川亞運會舉重金牌,可惜唔知係唔係用力過度,雙蛋嘅佢爆咗一隻蛋,變咗天下無雙嘅單蛋……蝦蝦,講笑啫,實情係近日有網民發現呢位名叫林子琦嘅選手,樣貌超似陳奕迅,十足失散兄妹。

第二位:張學友激戰人生,張家輝愛是永恆

張家輝喺內地受訪時表示,佢同張學友原本就係同父同母嘅親生兄弟。幽默感豐富嘅香港人當然知道「化骨龍」搞笑當食生菜,但係恐防內地網民未必明白,以為佢哋真係兄弟喎!

第三位:周柏豪率巴西隊殺入四強

今屆世界盃巴西隊最大嘅焦點,除咗有尼馬受傷同埋慘吞 7粒,仲有就係佢哋嘅左閘周柏豪,憑住一首〈愛的宣言〉同埋一篇爛水杯潮文,連過兩關,仲俘虜咗唔少豬妹嘅心,被認為係大文豪。呀,其實我係講緊周柏豪個樣好似巴西隊嘅馬些路呀。

第四位:何柏誠 X何廣沛 MK Pop大戰

何柏誠貴為 MK Pop嘅旗手拾音社嘅一員,前途當然無可限量。至於同佢樣貌極為相似嘅何廣沛就喺大台做藝員,本身仲有機會加入天堂鳥,喺 MK Pop嘅世界同何柏誠一較高下,不過被大台否決咗,再次證明入大台不如唱 MK歌好過。

人有相似

每期《人有相似》為你分析藝人與宇宙間人、事、物的相似度,童叟無欺,笑死冇命賠。


撰文:娛文樂

    全站熱搜

    tvb4life 發表在 痞客邦 留言(0) 人氣()