呢個相差 12歲嘅老少配,係 Rain點名搵 Krystal合作,仲話自己係人哋嘅忠實粉絲㖭。 

非港劇讀

Rain「長腿叔叔」鬥男神

Ads by Google

男人真係襟撈! 32歲嘅 Rain(鄭智薰)又有新劇出啦!不過,呢次壓力唔細,事關佢以前係紅遍亞洲區,但依家想單靠一身肌肉同新一代「男神」金秀賢、李敏鎬鬥? Well,確係唔夠 young。好彩 Rain揀咗一年劇本,又俾佢搵到套「阿豬媽」啱 feel嘅「長腿叔叔」古仔,喺 SBS水木劇(逢周三、四播)《對我而言可愛的她》做經理人提攜新人作曲家。呢套劇仲以 1集 2億韓圜(約 150萬港幣)賣咗俾內地網播, 16集埋單接近 2500萬港幣。嘩!勁呀!

 

5年前, Rain拍《逃亡者》收視高開 21.7%,個勢仲 keep得幾好,跟住佢就去咗服兵役。點知佢喺軍隊做「演藝兵」期間,就俾人影到趁練習時外出,同金泰希拍拖!咁樣斷正,搞到違反軍紀受罰。對韓國人嚟講,呢啲好影響形象㗎!所以呢, Rain退役一年,只係拍咗套電影,主要市場係中國,避鋒頭嘛!而《對》劇就係佢揀咗好耐嘅復出之作,話晒做大叔角色啱佢之餘,角色亦係走貴公子路線,扮型始終特別吃香啲嘅。


Rain喺 10年前拍咗《浪漫滿屋》,成功幫佢打開海外市場。咦!《對》劇又係坐櫈影劇照喎!果然橋唔怕舊。 

上年 1月 1日爆出服緊兵役嘅 Rain同金泰希拍拖,震驚全韓國。 

被韓國男性視為「女神」嘅 34歲金泰希,因為同 Rain拍廣告撻着,發展「姊弟戀」。 

金泰希今年 6月去中國拍古裝劇《王羲之》之前,俾網友見到佢同 Rain約會,真係痴纏! 

 

呢套劇入面, Rain因為同女友嗌交導致車禍,令女友意外喪生,痛不欲生。後來佢搵到女友個妹,為贖罪主動為對方還債,再帶返自己嘅娛樂公司,幫佢圓做作曲家嘅夢想。 Well,仲唔係「長腿叔叔」變奏版!而咁好彩做到女主角嘅係上年拍《繼承者們》上位、今個月踏入 20歲嘅女團 f(x)成員 Krystal(即係啱啱被踢出「少時」嘅 Jessica個妹呀!)。現實中有女友金泰希,劇中又有妹妹仔 Krystal, Rain真識揀囉。


Krystal(左)上年拍《繼承者們》多咗人識佢,今年就經常黐住前「少女時代」成員兼親家姐 Jessica(右)搵外快。依家睇怕要多啲靠自己! 

今年 5月, Rain喺廣州開騷都有晒肌,不過呢吓唔記得咗收腹,走腩囉。 

兩男爭女

 


女主角尹世娜( Krystal飾演)一出場就被債主追債,男主角李賢旭( Rain飾演)見到佢遇險,帶佢逃走嗰陣俾車撞傷。 

世娜被安排同李賢旭公司嘅作曲家對決,贏嘅人會為旗下組合「無限動力」寫主打歌。但世娜(右一)俾佢哋嘅粉絲欺負,咁啱組合成員時宇( Infinite隊員 L飾演)(左一)經過救咗佢。遲啲梗係有感情線啦! 

世娜諗唔到點作曲,所以李賢旭帶佢去睇畫,搵作曲靈感。 

對決未開始,作曲家玩嘢主動辭職,仲打算帶「無限動力」走,令賢旭為難。惟有沖涼減壓啦! 

撰文:張韋弘

    全站熱搜

    tvb4life 發表在 痞客邦 留言(0) 人氣()