弱質纖纖的李思欣,執拾保齡球時,單手拎兩個球都無問題。 

娛樂喧

掟 50萬投資娛樂城 李思欣抹波執碗做阿四

Ads by Google

離開大台後,李思欣除了在新城開咪及拍電影,更開火鍋店及日本食肆,實行進軍商界。上個月,李思欣再一擲五十萬入股有食肆、按摩、麻雀、保齡球場的一站式娛樂城。據知在 10月 9日正式開幕前夕,她已經頻頻落場打點,更親自試食,皆因力不到不為財。
本周一( 29日),記者到娛樂城放蛇,發現貴為老闆娘的她一腳踢,由餐廳執碗到收銀,個個部門都親自巡視。可惜適逢佔中,娛樂城水盡鵝飛,生意麻麻。

 

李思欣今年初離開大台後轉戰商界,九月更與老公范振鋒入股荃灣麗城一間保齡球場,視之為重點投資。對於這個項目,李思欣寄望甚殷。「佢兩公婆住得近保齡球場,觀察到附近人流多,但娛樂唔多,覺得個場有得做至決定入股。佢兩夫婦落嚟好密,一星期三次左右,試過落嚟食個午飯順便巡視,睇得出好緊張呢盤生意。李思欣次次試唔同菜式,仲同廚師研究菜譜,而 Ricky(范振鋒)就負責開會同睇數。佢哋自己做生招牌吸客,同啲客打成一片。」知情者說。

執枱抹波一腳踢

本周一( 29日),本刊記者到娛樂城放蛇,剛巧李思欣落場巡視。她到場後見保齡球的擺位不平均,即刻落手執波兼抹波,更吩咐職員重新擺好。不過,保齡球場始終不是李思欣「主場」,逗留十五分鐘後,她便轉戰餐廳。
當日李思欣在餐廳內上至試菜下至執碗都有幫手。雖然當時是下午茶時間,人客不多,但仍有食客認得出她,與她打招呼。有食客更主動上前撩她吹水。忙了一輪,李思欣終於坐低食番碟焗意粉,食了兩口,突然大叫:「好酸!」之後便捉住廚師傾了幾分鐘,前後她逗留了兩小時才離開。


雖然李思欣忙於打理生意,但早前她在內地登台,仍甚得 fans支持。 

李思欣早前拍完慈善電影《尋愛事務所》(左圖),十二月又會拍微電影及綵排舞台劇。 

由於是閒日下午,客人多是中學生,有明星睇,學生哥都喪𥄫。

李思欣:忙少少都值得

趁李思欣離開時,記者埋身訪問,她說:「做生意一定要親力親為。我經常落嚟試食,睇吓有乜可以改進,會同廚師傾吓。(見你落手執碗抹枱?)間唔中啫,見到咪幫手囉,都唔辛苦!我希望同啲客拉近距離,客人食得開心啲。」
初次搞娛樂城,李思欣也承認自己緊張:「自己做開飲食,對食物會好有要求。好在生意都唔錯,可能個場走大眾化路線,人流算 OK。(今日好靜喎!)禮拜一同加上佔中嘛。尋日(周日)保齡球場都 full晒,仲要等位,見到生意好,忙少少都值得!」離開了極權的大台,李思欣一樣可以闖出一片天。


彈意粉酸李思欣試食意粉時,忽然大叫「好酸」,更捉住廚師商討改善辦法。 

親自執碗一有客人離開,李思欣就自動波過去執枱。 

師奶勁 like李思欣「客串」收銀時,食客要求合照,她來者不拒。

放蛇試食雲吞麵抵食

本刊記者直擊娛樂城服務,保齡球場有 9條球道,設施尚算新淨,由於 50元一小時任打,吸引到不少學生捧場。至於按摩區企理,梳化好坐,記者最初嫌技師力度太大,經反映後亦有所改善。
食物方面,小記點了咖喱牛腩飯($32)及雲吞麵($22)都分量十足,不過奶茶就嫌唔夠滑。


放蛇當日是閒日下午,餐廳及按摩區客人都唔多,勝在地方大,而且乾淨。 


雲吞麵有五大粒雲吞,足料好食。加五蚊有熱飲,記者叫了檸茶及奶茶,檸茶 OK,奶茶嫌唔夠滑。

投資 170萬

李思欣范振鋒兩公婆除了密密登台搵錢外,去年開始至今,已投資近二百萬做生意。


撰文:娛樂組
攝影:攝影組

    全站熱搜

    tvb4life 發表在 痞客邦 留言(0) 人氣()