袁偉豪打孖晒肌

TVB嘅小生、姐仔走下一個又一個,連二、三線嘅演員,好似成日飾演畀人強姦嘅石子欣,同成日做色魔嘅香港先生高鈞賢,都相繼離巢。

Ads by Google

之但係,同人唔同命,一樣係香港先生嘅袁偉豪就好彩得多,雖然佢唔係擔正做第一男主角,但戲份就一啲都唔輕,好似《On Call 36小時》系列同《情逆三世緣》咁,要做「男一」,指日可待啦!

不過,成名背後,必須付出努力嘅,早排東姑喺九龍仔公園,就見到佢同「巨聲幫」出身嘅閔大人(謝東閔)一齊練跑。袁偉豪由○七年選香港先生至今,身形一樣fit到漏,東姑親眼目擊到赤膊上身嘅佢,胸肌與腹肌並存,當然係勤力keep fit嘅日子有功啦!有咁嘅身形,先配得上叫香港先生,袁偉豪絕對係勝任呢個榮譽喇!

袁偉豪孖住謝東閔赤膊上身跑步,好鬼搶眼,東姑真係忍唔住要睇多兩眼。

謝東閔跑到上氣唔接下氣,但袁偉豪就跑得好輕鬆,高下立見。

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()