寵物家

二百套衫任借 帶貓狗自拍

Ads by Google

寵物主人最鍾意幫寵物影相呃 like,狗狗就話可以去吓沙灘、草地,但貓貓來來去去只有屋企張床同梳化做背景。
有齊沙灘草地、巴黎小街、薰衣草原做背景的寵物自拍專區,二百套寵物衫任揀,客人可以閂埋門慢慢玩,貓貓有安全感,連頸帶都唔使戴。
搖控器一按即影,貓貓終於都有張靚靚打卡相喇!

 

搞自拍館,以為有靚布景板同部相機就得?一般自拍館可能係,但搞寵物自拍專區,要考慮的細節就更多。
本身冇養寵物的 billy,在開始營運寵物自拍館後,逐步學習如何與動物相處。如館內設單反相機、兩支持續光源,不用閃光燈,就是為了不會嚇怕動物和傷害牠們的眼睛。燈要由高打向低,遷就動物矮小身形。除了貓狗,客人亦可以帶烏龜、倉鼠等寵物來影相。


影相前帶狗狗去揀件靚衫,有二百套,換完再換都得。 

自拍館設三間獨立主題房,以浪漫、大自然等題,每間房約有一百呎,六款布景板,幾闊落舒服。 

 

影相要打扮吓, billy購入近二百套寵物服飾讓客人借用,而自拍館還設有貓狗廁所、流動飲水器和糧兜,連清潔劑都轉為寵物專用系列,來為布景、地板和寵物衫消毒,讓寵物主人安心。「以前冇諗過照顧動物有咁多功夫,而且每隻都有不同性格,有啲高竇,有啲就活力過盛。」講到活力過盛,拍攝當日有隻歌基就興奮得在布景布上跑跳不停,寵物自拍館比一般自拍館損耗大很多, Billy話唯有每隔幾個月就換新款,「換款亦可以令客人保持新鮮感。我亦諗住領養一隻貓,令自己容易理解寵物主人需要。」


器材方面有 Canon 60D,可自己調校高低和對焦距離,及兩支 5500k色温燈和兩個熒幕,讓客人方便對位和睇到即時效果。 


狗狗廁板、貓砂盆、水機等一應俱備,還有小食專區,客人買嚟氹動物影相更方便。


客人可以為相片加不同效果,再即時打印。($16/4R) 

 

寵物自拍專區
地址:元朗安寧路 21A鴻運樓 2/F
網址: facebook.com/selfieshk
收費:二人一寵物,每房一小時$226


撰文:吳韻菁
攝影:陳偉傑 
Model:貓貓小虎、狗狗三文魚、牡丹蝦

    全站熱搜

    tvb4life 發表在 痞客邦 留言(0) 人氣()