朱古力蛋糕$32(連咖啡套餐$52)人仔朱古力最搶眼,不過食落得個甜字,外層為朱古力脆皮,入面有朱古力蛋糕及一整層橙味啫喱,口味啱小朋友。 

試食王

LEGO Café氹小朋友就得 

AA Place 地址:銅鑼灣波斯富街利舞臺 9樓 B鋪 電話: 2819 8866

Ads by Google

我係 LEGO迷,知道銅鑼灣開咗一間 LEGO café,立即去試。 Café由非官方 LEGO專門店開設,店鋪面積足三千多呎,係全香港最大的 LEGO商店,購物區有齊不同系列、人仔及絕版貨。最吸引的人仔博物館,聲稱有打破世界紀錄的數千款人仔,不過要收$50入場費,亦唔准影相。自由砌區有 LEGO積木俾客人玩,但又要收$50一小時,原價$100!曾去過台灣類似的 LEGO Café,人哋都慷慨任玩任影,銅鑼灣黃金地段的租金,要客人一齊分擔,明白嘅,不過唔好受囉!

 

我係 LEGO迷,知道銅鑼灣開咗一間 LEGO café,立即去試。 Café由非官方 LEGO專門店開設,店鋪面積足三千多呎,係全香港最大的 LEGO商店,購物區有齊不同系列、人仔及絕版貨。最吸引的人仔博物館,聲稱有打破世界紀錄的數千款人仔,不過要收$50入場費,亦唔准影相。自由砌區有 LEGO積木俾客人玩,但又要收$50一小時,原價$100!曾去過台灣類似的 LEGO Café,人哋都慷慨任玩任影,銅鑼灣黃金地段的租金,要客人一齊分擔,明白嘅,不過唔好受囉!


店內 LEGO相當齊全,仲陳列了不少店員砌成的特色作品,如 Angry Bird、超人及叮噹, LEGO迷實行到唔願走。 

Café在店外公眾地方,冇晒 LEGO氣氛,有不少人出入,唔算好坐。 

 

所謂的主題 café其實在店外,只放幾張枱,咁兒戲?食物飲品都是自助形式,不過店員亦主動出來介紹幫手,相當友善。有七款蛋糕,大多有 LEGO造型,每款賣$24至$36,配埋飲品嘅套餐就抵好多,任何款式都是收$42至$52。可惜飲品只有現成的紙包及樽裝飲品、茶包及用 Nespresso膠囊機沖出來的咖啡。冇 Cappuccino、 Latte等選擇,只可加現成奶,我喺屋企都沖到啦,竟然收$32一杯。口味有八款選擇,每杯用兩個膠囊,都算大杯,但感覺好求其。
蛋糕上的 LEGO人仔及磚頭是朱古力,好得意但唔好食,入口得個甜字而冇可可味,應該是裝飾用朱古力。杧果慕絲蛋糕質感較實,有果香,甜度亦剛好。藍莓芝士蛋糕上有 LEGO鴨仔,造型勁可愛,應該最得歡心,藍莓醬夠多,但芝士蛋糕較實,味道不過不失。朱古力蛋糕外層為脆皮,入面為朱古力海綿蛋糕,中間夾着一層橙味啫喱,配搭都幾特別,勝在唔會太甜膩。講真,來得的客人都唔係志在食,睇過一次, café吸引唔到我去第二次。


LEGO人頭蛋糕$24又係 sell可愛,外層似糖皮,入面的蛋糕質感濕潤,味道好怪,可能整成糖果仲好味。 

LEGO曲奇餅$15三色積木造型,食落唔覺味道有分別,質感較硬,又係得個睇字。 

杧果慕絲蛋糕$24果味香甜,但味道不夠天然,勝在不過甜,紅色積木亦是裝飾用朱古力,好靚但唔好食。 

藍莓芝士蛋糕$34LEGO鴨仔造型好可愛,口感差,只適合睇。芝士蛋糕較實,芝士味重,藍莓醬亦夠多。 

評分

食物★★★
服務★★★
環境★★ 1/2
抵食★★★

 


任砌區可以容納多人,又可以包場做生日會,不過每位平日收$100/小時,貴得離譜。 

AA Place
地址:銅鑼灣波斯富街利舞臺 9樓 B鋪
電話: 2819 8866
營業時間: 10am-10pm

試食王

喜歡外出用膳,也喜歡誠實,不相信飲食網站的所謂評分,也怕了所謂食家獲得優待後的意見,情願隱姓埋名,真金白銀,測試飲食雜誌飲食網頁捕捉不到的真實一面。


撰文、攝影:試食王

全站熱搜

tvb4life 發表在 痞客邦 留言(0) 人氣()