Design@Page One 

常餐以外

加碼「撼」誠品 

一田 地址︰觀塘 apm LG層 電話︰ 3955 1818

Ads by Google

當大家嫌棄誠品愈來愈 commercial,似百貨公司多過書店, Page One卻不擔心類似負面惡評,由書店變身 lifestyle store,就連理念「 I read, therefore I am」都改埋,新口號「 I love, therefore I am」,象徵新店集合 Page One包羅萬有的心水選擇。打開本設計書,見到張梳化、北歐家品好鍾意?行過店中店家品部就有得賣。打開 cookbook,意粉、蛋糕好靚好想食?即刻去 cafe坐低食。

 


Lifestyle Zone@Page One 

海港城 Page One由八九千呎,搬上四樓舊 office位置,變成三萬五千呎巨鋪,空間大三倍,書本種類多約三成,鬆動好行。最受歡迎的設計書和小朋友書,更加靚裝成為獨立的影院 feel設計部及遊樂場小童部,購買慾肯定大增。
新店主角是七間店中店 Lifestyle Zone,賣的是定價十六萬 Cloverleaf梳化、 iittala餐具、泰國 Harnn或本土天然護膚品,總之件件講究 quality of life。究竟精神食糧緊要定物質享受重要?簡單現實一點,應該係書店能夠保持安靜整齊,真係行得舒服先最重要。

七間主題房賣家品

三萬五呎巨鋪約一半賣書,其餘地方是精品店、家具店、花店、時裝店及餐廳,其中又以 Lifestyle Zone為主打,七間房各有主題︰復古 New Vintage、摩登 Modern Chic、夢幻 Fantasy Vintage、溫馨 Warm& Cozy、園藝 Art& Gardening、文化 Art& Culture、北歐 Northern Europe,雖然貨品不是香港獨家,但選擇有心思,房間布置也似設計書內的示範單位,個性突出,很討好。


Fantasy Vintage房間由香港品牌Mushroom包辦,是唯一一間只放一個品牌的主題房間。 

定價十六萬的 Cloverleaf,暫時店內最貴產品,是著名設計師 Verner Panton於 1970年的作品。 

有多個澳洲品牌寢具。

 

不過鎮店產品 Cloverleaf同 Ballon table咁大件傢俬,有幾多香港單位放得落?好在店內細件家品選擇多,超可愛的德國 helios企鵝水壺、歐洲型格瓷器、澳洲寢具、 Greenology設計園藝用品,甚至本地天然牙膏都有,不是單一的 sell有型或簡約,也不是純粹賣外國超高檔名牌,引入日韓潮流品牌精品,亦撐本土出品,有意思。冇興趣買以萬元計的設計傢俬,可以揀幾十元的潤手霜、百幾元餐具,選擇多而且貨品種類仔細,感覺貼心。


只有一間房放有床鋪,感覺不會似行宜家。 

本地天然品牌 bathe to basics草本牙膏$88,不含氟或防腐劑,牙刷$28。 

德國 Helios水壺$364(企鵝)、$378(北極熊)。

左右兩邊可通往其他房間,每走過一道門,主題明顯改變。 

店裡所有物品都有售。 

Greenology設計有型,適合家居或 office種小型植物。

竹地板 空間闊落


小朋友部近三千呎,有大量空間給小朋友遊玩。 

奇怪點解海港城邊度仲有三萬幾呎空位?其實兩層書店,大部分空間都在四樓,原為辦公室位置,從未對外開放作商鋪用途。上到四樓,就會發現樓底特別矮,好在地方夠大,書架唔覺逼,加上射燈效果,更易聚焦書本上。不似以前分開中英文部分,現在將中英文書左右兩邊放,又設空間給作者舉行讀者聚會。至於竹地板靈感取材自以前的竹柬,即是古代書籍的材料,有心思。
兩大重點︰設計書籍及小朋友書,絕對是驚喜位。全黑加射燈效果的仿戲院設計,令書的封面當上場內唯一主角。小朋友部分以淺色的竹地板及木材為主,光猛舒服,並設有試玩角落,帶着小朋友入場,空手而回的機會,好低。

 

 


四樓樓底矮,勝在空間闊落,不算逼狹。 

設計部以全黑布置,小型展覽亦與推介書本有關。 

店裡預留位置給商戶展示產品,小朋友可試玩試用。

名牌餅店 簡約西餐

Page One一向只有輕食 cafe,今次引入了法國起家的名氣英式餅店 Rose Bakery,在 Comme des Garcons店都有分店。主廚 Rose是英國人,曾出版一本以雞蛋為題的烹飪書,足足有 84種雞蛋食譜! Rose對食材充滿熱情,英式鬆餅、 pound cake,款式簡單但用料講究。香港店跟足法國店,食材和做法都一樣, QC嚴謹。
另外還有一間純白色的西餐廳 Forestry,是 Page One首家餐廳,以天然有機食材,炮製簡約健康西餐,由頭盤、湯、沙律、主菜、意粉至甜品都有,開業初期選擇較少,款式合香港人口味。遲些會增設戶外座位,海港城又多一個歇腳點。


烤大蝦釀春雞卷$148汁醬有濃郁蝦鮮,雞卷不乾身,感覺唔 heavy,啱女士。 


Rose Bakery以 pound cake作主打,推介 red fruit cake$68及 lemon orange cake$58。

 

 


鮮拖羅脆薯餅$58Forestry餐廳供應新派西菜,頭盤以拖羅配香脆粗粒薯餅,日西合璧,香口好吃。 

鮮草莓拿破崙$68酥皮鬆脆,吉士醬不太甜,配合微酸的意大利黑醋汁,剛剛好。 

Forestry 

Rose Bakery 

 

Page One
地址︰海港城 3樓 3001A及 4001號鋪( Log On旁)
電話︰ FORESTRY 2254 6338、 Rose Bakery 2254 6568
營業時間︰星期一至四 10am-10pm
星期五至日 10am-10:30pm

一田升級 靚料即煮即食

觀塘舊樓變豪宅,東九龍消費力強勁, apm地庫超市,由一田取代吉之島,梗係要 upgrade先夠睇頭。平時和一田合作開的生蠔、火腿、魚生供應商,今次齊齊破格,生蠔批發引入 30萬快速蒸爐即煮活海鮮,火腿 counter請來靚仔意大利廚,用意大利食材即焗正宗羅馬薄餅,加埋全新的西班牙乳酪、築地魚生 mix& match,仲有十月頭上場的原架復古 van咖啡店,柯打完,可以坐低慢慢歎,相比起樓上又貴又逼的 food court,超市裡的即煮即吃,實在高幾班!

30萬蒸爐蒸 3分鐘

Oysta+老闆在北美有蠔場,做開生蠔海鮮批發,新店以加拿大特別訂製的快速蒸氣鍋爐鎮店,成本連運費高達 30萬。客人揀好新鮮蜆、青口,員工即刻倒入爐煮,三分鐘有得食,肉嫩鮮美,根本是高級西餐廳質素,價錢卻平一半!另外少不了十多款新鮮生蠔、波士頓龍蝦、炸魚薯條等,幾十元起,仲有葡萄酒機逐杯柯打,有幾分似外國漁市場,抵玩呀。

 

 


黑松露香蒜煮美國鮮活藍青口原價$138、特價$85(至 8/10) 

每日供應十多款生蠔,可以即開即食。$20.8-$73.8/隻 

足一磅活青口,蒸好後鮮嫩肥美,超好吃。 

意大利廚炮製薄餅

平日在超市買的火腿梗有 Ferrarini品牌,今次伸延至意大利廚房,左邊賣火腿芝士、右邊就放有焗爐,即搓即焗正宗羅馬薄餅。找來意大利 Istituto Alberghiero Villa Santa Maria廚藝學校的教授主理,他擁有食物科學的博士學位,炮製的薄餅餅底麩質含量較低,吃起來不會滯。重點是他的兩位型仔學生會留港看鋪,全日不停焗製新鮮薄餅,有七、八款選擇。


Pizza Francia$32/片薄餅餅底有點麵包的鬆軟質感,微燶帶麵粉香,好吃。 


超市或 food court少見外國大廚,薄餅 counter以意大利廚藝畢業生主理,出品正宗。 

築地魚生任配搭

築地的中島水產一向在一田經營魚生 counter,新店勝手丼勝在可以似車仔麵一樣任配搭。空運抵港的廿多款魚生,隨意挑選,可配以大碗($15)或細碗($10)醋飯,最正係連平日超市少散賣的明太子、原隻牡丹蝦等等都可以逐份叫,肯定啱心水。


魚生配料每份$3/$6/$9/$15/$25/$30,定價合理。 

西班牙乳酪配黑毛豬

甜品必試 Yoble西班牙乳酪,引入西班牙高檔品牌 Pastoret,以手工製作,香濃香甜,供應 13款味道及兩款燉蛋。新開張期間 froyo口味超吸引,哈蜜瓜味會配以粒粒 36個月黑毛豬火腿,似將頭盤變成甜品。另有原味 froyo配原片西班牙蜂巢,食正韓風。其他 froyo toppings有約廿種,值得一試。


哈蜜瓜配 36個月黑毛豬火腿乳酪$48新店期間限定,火腿賣完即止, froyo清甜配上火腿的油潤鹹香。 

西班牙 Pastoret乳酪$38有梨、青檸、焦糖等 13款口味,果茸偏甜,乳酪香滑。 

Eric So 設計朱古力

七大 counter之中,最估佢唔到是é lé ment de chocolat,睇落似法國朱古力,其實是本地品牌,由 figure王 Eric So夥拍曾於實驗室工作的朱古力師傅開設。 Eric直言自細鍾意食甜品,「我識咗朱古力師傅之後,問佢好多奇怪問題,有機會一齊開店,我負責設計,由 concept、款式到包裝,朱古力由師傅手做,有金木水火土五行系列,仲有水果、果仁、酒、茶及黑朱古力系列,大概三十款。」點解由 figure跨去飲食界?「我唔覺得係進軍飲食界,朱古力都係我的創作。」所有手做朱古力不含防腐劑,新鮮軟滑,一律方形粒粒,顏色特別,黑朱古力更印上數字顯示可可成分比例,簡單有型。 A

 

 


另有五大主題,例如鮮色包裝的酒心如威士忌、粉色的水果,普洱茶等,口味獨特。$18起/粒 

Elements系列,金、木、水、火、土分別是金箔、開心果粒、清酒、多種辣椒及白松露。$38/粒、$88/粒(金) 

 

另外,超市也網羅了更多特色貨品,重點推介鹽、咖喱、烘焙及速食四種食材,單單是鹽也有五十多款,例如西西里陳年黑醋味岩鹽、橄欖油味或紅酒味西班牙鹽之花等,坊間少有。


西班牙鹽之花$128 

啤酒也有數十款,包括日本網走流冰啤、薯仔啤、監獄黑啤等($34.9/支)。 

咖喱貨架數目更誇,有近百款,食材更高級,如神戶牛、黑毛和牛等,有些索價過百,很高檔。仙台牛舌(左)$93.9、鳴門千鳥本鋪神戶牛$92(原價$108)

 

一田
地址︰觀塘 apm LG層
電話︰ 3955 1818
營業時間︰ 10am-10pm


撰文:黎狄敏
攝影:陳偉傑

    全站熱搜

    tvb4life 發表在 痞客邦 留言(0) 人氣()