日本生果郁吓幾十蚊個,貴到爆!嘟晒嘴嘅蘭子得個睇字。 

同你吟一吟

蘭子發嫂 鬥快打游擊

Ads by Google

自從發哥七月埋位拍賀歲片《賭城風雲 2》,去街市好似返工咁準時嘅發嫂,因為跟 set陪開工,搞到買餸都要打游擊。

 

早個禮拜,《壹》仔終於見到 long time no see嘅發嫂蒲頭,五點買餸黃金時間嘅九龍城人多車多,發嫂唔敢歎慢板,急急腳!生果鋪雜貨店街市去勻。

 

 


冇位泊,焗住泊咗架波子响唔俾擺車地方嘅蘭子(箭嘴),怏腳衝入街市,幫襯幾蚊有交易嘅生果檔。 

 

發嫂買慣買熟,游擊快閃冇難度,但好日都唔煮餐飯嘅陳淑蘭,就唔同講法。自己一個揸車落九龍城嘅蘭子,當日其實獨沽一味:買生果。喺專賣日本生果嘅鋪頭巡咗轉,嘟晒嘴嫌貴!改去街市幫襯生果檔,買完九秒九返上車走。
蘭子天生長腳,仲要全程跑,但都用咗差不多廿分鐘,快唔過十五分鐘搞掂晒,幾大袋走嘅熟手發嫂。


店員幫手搬嘢上車,發嫂再掟咗轉街市買其他嘢,爭取時間。 


買慣買熟,發嫂自己郁手入袋,唔使人招呼。

撰文:八珍

全站熱搜

tvb4life 發表在 痞客邦 留言(0) 人氣()