廣告入面 Keith扮醫生,幫懷有四胞胎嘅大肚婆度過難關,但佢正職其實係工程師。 

同你吟一吟

梁詠琪孖生細佬處男廣告

Ads by Google

最近八珍睇電視,見到一個講四胞胎嘅保險廣告,鏡頭前嘅四眼醫生,唔知點解硬係熟口熟面,有二五一言驚醒,之唔係大肚 GiGi梁詠琪嘅孖生細佬 Keith。

 

聽講早排 Keith整傷腳去醫院睇醫生遇到廣告星探,覺得佢天生一副醫生相,好啱個保險廣告用!同媽咪家姐商量後, Keith決定接拍,仲幫手做埋配音。不過廣告公司同品牌商,到而家都唔知佢係 GiGi孖生細佬。
想當年 GiGi十七歲已經俾星探睇中拍手錶廣告,之後仲做埋爾冬陞套《烈火戰車》女主角,孖生 Keith要三十八歲人先俾人發掘,但二五話正職做工程師嘅佢純粹貪過癮,唔會同家姐做埋同一行喎!


GiGi同孖生細佬 Keith(右一)一向好感情, Keith仲俾家姐班 fans笑係鍾鎮濤、阿部寬加張宇混合體,證明都係明星相。 



撰文:八珍

    全站熱搜

    tvb4life 發表在 痞客邦 留言(0) 人氣()